Վանաձորցի 18-ամյա երիտասարդի անհետ կորչելու պատճառը բռնաբարությունն էր

Brnutyun

ՀՀ քննչական կոմիտեից տեղեկանում է, որ ՔԿ Լոռու մարզային քննչական վարչությունում հարուցվել է քրեական գործ՝ Վանաձոր քաղաքի բնակչուհու նկատմամբ սեքսուալ բնույթի բռնի գործողություններ կատարելու դեպքի առթիվ: Առերևույթ հանցագործություն կատարած անձը հայտնաբերվել և ձերբակալվել է:

Այսպես, 2016 թվականի հունվարի 18-ին Վանաձոր քաղաքի բնակչուհին հաղորդում էր ներկայացրել, որ նույն օրը՝ ժամը 22:40-ի սահմաններում, Վանաձոր քաղաքի «Երկաթուղայինների» կայարանից դեպի Թևոսյան փողոց տանող կամրջի վրա մի երիտասարդ, իր կամքին հակառակ, բռնություն գործադրելով, սեռական բնույթի բռնի գործողություններ է կատարել իր նկատմամբ:

Դեպքի առթիվ ՀՀ քննչական կոմիտեի Լոռու մարզային քննչական վարչությունում 2016 թվականի հունվարի 19-ին հարուցվել է քրեական գործ՝ ՀՀ քրեական օրենսգրքի 139-րդ հոդվածի 1-ին մասի հատկանիշներով: Բացի այդ, 2016 թվականի հունվարի 19-ին Վանաձոր քաղաքի մեկ այլ բնակիչ հաղորդում է ներկայացրել՝ 18-ամյա որդու անհետ կորելու վերաբերյալ, որի կապացությամբ Լոռու մարզային քննչական վարչությունում նյութեր են նախապատրաստվել:

Ձեռնարկված քննչական գործողությունների արդյունքում պարզվել է, որ աղջկա նկատմամբ սեքսուալ բնույթի բռնի գործողություններ է կատարել 18-ամյա երիտասարդը, ում անհետ կորելու վերաբերյալ ահազանգել էր հայրը։

Երիտասարդը հունվարի 20-ին հայտնաբերվել է և նույն օրը ձերբակալվել՝ առերևույթ հանցագործությունը կատարելու կասկածանքով: Քրեական գործի նախաքննությունը շարունակվում է: Միջոցներ են ձեռնարկվում՝ դեպքի բոլոր հանգամանքների բազմակողմանի, լրիվ և օբյեկտիվ հետազոտումն ապահովելու ուղղությամբ։

Spread the love

Be the first to comment

Leave a Reply

This site uses Akismet to reduce spam. Learn how your comment data is processed.