ԱՄՆ-ը Ռուսաստանի ու Չինաստանի հետ պայմանավորվել կարողացող առաջնորդի կարիք ունի

- in Ընտրություններ
Donald Tramp

Հանրապետական կուսակցությունից ԱՄՆ նախագահի թեկնածու Դոնալդ Թրամփը կարծում է, որ երկիրն այնպիսի առաջնորդի կարիք ունի, որը կկարողանա հարաբերություններ կառուցել Ռուսաստանի, Չինաստանի ու Ճապոնիայի հետ: 

«Այս երկիրը այնպիսի մեկի կարիքն ունի, ով ունակ կլինի գործարքներ կնքել,  ով պատրաստ կլինի պայմանավորվել Ռուսաստանի, Չինաստանի ու Ճապոնիայի հետ, որն այստեղ է ուղարկում միլիոնավոր ավտոմեքենաներ, իսկ ի՞նչ ենք ստանում մենք: Մենք այդ երկրների հետ (առևտրում) դեֆիցիտ ունենք»,- հայտարարել է Թրամփը Այովա նահանգում մամլո ասուլիսի ժամանակ:

«Մեզ մարդիկ են պետք, ովքեր գիտեն՝ ինչ են անում: Մեզ (երկրի ղեկավարությունում) երեխաներ պետք չեն: Նրանք (այլ երկրները) երեխաների հետ գործ չունեն»,- հավելել է Թրամփը:

Դոնալդ Թրամփը երկրի տնտեսությունը համեմատել է «պղպջակի հետ, որը նա չէր ցանկանա ժառանգել»: Նա վստահ է, որ տնտեսության «պղպջակը» շուտով կպայթի, և նա չի ցանկանում այն ժառանգություն ստանալ նախագահ ընտրվելու դեպքում:

«Մենք պղպջակի մեջ ենք գտնվում: Եվ, անկեղծ ասած, երբ պղպջակը պայթի, ես հույս ունեմ, որ դա տեղի կունենա մինչև իմ` նախագահ դառնալը: Ես չեմ ցանկանում դա և դրա մյուս հետևանքները ժառանգություն ստանալ: Ես կնախընտրեի, որ դա տեղի ունենար դրանից մեկ օր առաջ, և ոչ թե հաջորդ օրը»,- հայտարարել է Թրամփը: Նա նաև կոչ է արել վերանայել ԱՄՆ ֆոնդային շուկան, և այսօր համեմատել այն անցյալ շաբաթվա հետ:

Հավանեցիք, տարածե՛ք սոցցանցերում
20