ԱՄՆ Կոնգրեսը մտադիր է հասնել Իրանի դեմ նոր պատժամիջոցների

Iran

ԱՄՆ Կոնգրեսը կհասնի Իրանի դեմ նոր տնտեսական պատժամիջոցների սահմանման՝ հայտարարել է Ներկայացուցիչների պալատի խոսնակ, հանրապետական Փոլ Ռայանը։

Ռայանի խոսքով՝ երեքշաբթի Իրանի կողմից անցկացված բալիստիկ հրթիռների փորձարկումները հակասում են միջազգային իրավունքին։ Պալատի խոսնակը դրանք սադրանք է անվանել՝ ուղղված ԱՄՆ-ի դեմ։

Իրանի դեմ պատժամիջոցները պետք է գործեն, քանի դեռ ռեժիմը չի դադարեցրել իր «ագրեսիվ, սադրիչ վարքագիծը՝ ուղղված ԱՄՆ-ի ու նրա դաշնակիցների դեմ»՝ ասել է նա։

Վերջին անգամ Իրանում հրթիռային փորձարկումներ են անցկացվել 2015 թվականի աշնանը։ Ի պատասխան՝ հունվարին ԱՄՆ-ը սահմանել է իրանական ընկերությունների ու մասնավոր անձանց դեմ նոր պատժամիջոցներ։

Իրանը պնդում է, որ հրթիռների փորձարկումները կապված չեն միջուկային ծրագրի հետ։

Spread the love

Leave a Reply

This site uses Akismet to reduce spam. Learn how your comment data is processed.