Բրյուսելում զոհերի թիվը հասել է 34-ի, թագավորն ու թագուհին տարահանվել են երկրից. Կարծիքներ

diak

Բրյուսելում այսօր տեղի ունեցած երեք պայթյունների զոհերի թիվը հասել է 34-ի։ Նշվում է, որ 20 մարդ զոհվել է մետրոպոլիտենում կատարված հարձակման հետևանքով, ևս 14 մարդ դարձել է օդանավակայանում երկու պայթյունների զոհ։ Վիրավորների թիվը գերազանցել է 150-ը։

Բելգիան փակել է Թուրքիայում իր դիվանագիտական առաքելությունները։ Բրյուսելում իրականացված ահաբեկչություններից հետո փակվել են Անկարայում Բելգիայի դեսպանատունը և Ստամբուլում Բելգիայի գլխավոր հյուպատոսությունը։ Այս մասին հայտնել են լրատվամիջոցի դիվանագիտական աղբյուրները։ Չեղյալ են հայտարարվել այսօր և վաղը ծրագրված վիզային ընթացակարգերը։ Թուրքական Turkish Airlines ավիաընկերությունը մինչև ուրբաթ չեղյալ է հայտարարել բոլոր չվերթները դեպի Բրյուսել։

Տեղադրված ռումբի մասին տեղեկությունը ստացվել է բելգիական բանտում, որտեղ պահվում է Փարիզի ահաբեկչությունների կազմակերպման գլխավոր կասկածյալ Սալահ Աբդեսլամը: Հաղորդվում է, որ սպառնալիքի պատճառով տարհանվել են մերձակա տների բնակիչները, ոստիկանությունն անվտանգության պարագիծ է սահմանել:

Ֆրանսիայի նախագահ Ֆրանսուա Օլանդը հանդես է եկել հայտարարությամբ՝ Բրյուսելում տեղի ունեցած ահաբեկչությունների կապակցությամբ։ «Հարվածի տակ է ողջ Եվրոպան»,- հայտարարել է Օլանդը։ Նրա խոսքով՝ ողջ մայրցամաքը պետք է գիտակցի սպառնալիքի լրջությունը։ Նախագահն ընդգծել է Բելգիային օգնություն ցուցաբերելու Ֆրանսիայի պատրաստակամությունը։

ՆԱՏՕ-ի գլխավոր քարտուղար Յենս Սթոլթենբերգը ցավակցություն է հայտնել Բրյուսելի ահաբեկչությունների կապակցությամբ։ Այս մասին հաղորդվում է ՆԱՏՕ-ի կայքում։ «Իմ մտքերը նրանց հետ են, ովքեր կորցրել են իրենց հարազատներին, բոլոր նրանց հետ, ովքեր տուժել են, և Բելգիայի ժողովրդի հետ»,- ասվում է հաղորդագրությունում։ Նա ահաբեկչություններն անվանել է «վախկոտ հարձակում»։

Հանրապետական կուսակցությունից ԱՄՆ նախագահի պաշտոնին հավակնող Դոնալդ Թրամփը մեկնաբանել է Բրյուսելում տեղի ունեցած ահաբեկչությունները։ Նա անհրաժեշտ է համարում տեղի ունեցածից հետո փակել ԱՄՆ սահմանները։

https://i2.wp.com/img.gazeta.ru/files3/209/8136209/upload-CeIrw7pUkAAEnne-pic905-895x505-30539.jpg?w=660

Ավելի վաղ հաղորդվել է, որ Նյու Յորքի ոստիկանությունն ուժեղացնում է անվտանգության միջոցառումները փողոցներում ու մետրոյում՝ կապված Բրյուսելի ահաբեկչությունների հետ։

Բելգիայի թագավոր Ֆիլիպը և թագուհի Մաթիլդան տարհանվել են Բրյուսելից: «Թագավոր Ֆիլիպը և թագուհի Մաթիլդան տարհանվել են Բրյուսելում իրենց պալատից՝ կապված Բելգիայի մայրաքաղաքում ահաբեկչական ակտերի հետ»,- հայտնում է հեռուստաալիքը:

https://i0.wp.com/phototass3.cdnvideo.ru/fit/746x9999_2b5bbbf4/tass/m2/uploads/i/20160322/4210666.jpg?w=660&ssl=1

Նյու Յորքի ոստիկանությունն ուժեղացնում է անվտանգության միջոցառումները՝ կապված Բրյուսելի ահաբեկչությունների հետ։ Հաղորդվում է, որ ոստիկանությունն ուժեղացնում է անվտանգության միջոցառումները փողոցներում և մետրոյում։ Ավելի վաղ հաղորդվել էր, որ «Ռոսավիացիան» ուժեղացնում է անվտանգության միջոցառումները ռուսական օդանավակայաններում՝ Բրյուսելում այսօր տեղի ունեցած ահաբեկչական հարձակումներից հետո։

Հավանեցիք, տարածե՛ք սոցցանցերում
20