ՀՀԿ ծրագրի «ռեֆրեշը» ներկայացրել է Աշոտյանը. Ինչպե՞ս են այն ընդունել «ծերերը». «Հրապարակ»

- in Մամուլ
Armen Ashotyan

«Հրապարակ» թերթը գրում է. Հանրապետականների ուսման ծարավի բռնկումը, պարզվում է, «բխել» է Սերժ Սարգսյանի` ՀՀԿ վերջին համագումարի ելույթի «դրույթներից»:

ՀՀԿ-ական «պարտդպրոցի» և «ուղեղային կենտրոն» ստեղծելու մասին գաղափարը ՀՀԿ-ն որոշել է կյանքի կոչել խորհրդարանական հանրապետության սեմին և փորձել է փաթեթով անել՝ «պարտշկոլա», արտաքաղաքական «թյունինգ», ՀՀԿ ծրագրի «ռեֆրեշ»:

Փաթեթը ԳՄ-ին է ներկայացրել ՀՀԿ «ուղեղային կենտրոնի» պատասխանատու Արմեն Աշոտյանը: Ծերերն իրենց հատուկ հոգնածությամբ տմբտմբացրել են գլուխները, արժանացրել «ադաբրայմսի» ու հատկապես «ոգևորվել» արտաքաղաքական հանձնաժողովի ստեղծման վրա, որ հանձնաժողովը լուրջ աշխատանք է տանելու ՀՀԿ-ական պատգամավորների հետ, որոնք ներկայացված են միջազգային կառույցներում, որպեսզի չկրկնվի ԵԽԽՎ վերջին զեկույցների` Սարսանգի ջրամբարի և Ղարաբաղին առնչվող «ճակատագիրը», և խնդիրները լուծվեն ոչ թե վերջում, այլ խեղդվեն օրորոցում»:

Հավանեցիք, տարածե՛ք սոցցանցերում
20