Գալուստ Սահակյանը հնարավոր է նորից մեկնի Գերմանիա՝ բուժվելու. «Հրապարակ»

- in Մամուլ
Galust Sahakyan

«Հրապարակ» թերթը գրում է. Գալուստ Սահակյանը հնարավոր է մինչև հաջորդ քառօրյան՝ մայիսի 16-19-ը, նորից մեկնի Գերմանիա՝ բուժվելու: Մարտին նա տիկնոջ հետ մեկնել էր Գերմանիա, բուժզննում անցել, առաջիկայում էլ բուժման կարիք կա: Առողջական խնդիրներից հետո ԱԺ նախագահը, կարելի է ասել, ԱԺ չէր հաճախում, երևաց վերջին օրերին, երբ ՀՀԿ-ն տապալեց «Հրազդան ցեմենտի» նախագիծը։

«Չորրորդ իշխանություն» թերթը գրում է. Անդրադառնալով Սերժ Սարգսյանի այն հայտարարությունը, թե հայկական բանակը կռվում է 80-ականների զենքով, ԱԺ նախագահ Գալուստ Սահակյանն ասել է. «այդ զենքերը օտարված չեն, դրանք բավականին կառուցողական զենքեր են»:

«ՉԻ» – Համաձայնվեք՝ միայն Գալուստ Սահակյանը կարող էր, ասենք, ՄՄ-21 («Գրադ») կայանքն անվանել կառուցողական զենք: Բայց մի շտապեք մեղադրել Գալուստ Գրիգորիչին, նա պարզապես իր մասնակցությունն է բերում քարոզչական պատերազմին և իր այդ հայտարարությամբ ուզում է ասել, որ վերջին օրերին ղարաբաղյան բանակը կառուցել է Աղդամի և Թարթառի շրջանների մի շարք բնակավայրեր:

Ի դեպ՝ Գալուստ Սահակյանի այս տերմինաբանությունը միանգամայն կիրառելի է նաև ներքաղաքական կյանքում: Փաստորեն՝ եթե ընդդիմությունը որոշի իշխանափոխություն իրականացնել ոչ թե ընտրությունների, այլ զենքի միջոցով, դա կլինի շատ կառուցողական ընդդիմություն: Իսկ իշխանությունները բազմիցս են հայտարարել, որ կառուցողական ընդդիմությունը երկրի զարգացման կարևորագույն գրավականն է: Հասարակությունը, վստահ ենք, կիսում է այս տեսակետը:

Հավանեցիք, տարածե՛ք սոցցանցերում
20