ԼՂՀ սահմանադրական բարեփոխումների գործընթացը հնարավոր է չեղյալ հայտարարվի. «Հրապարակ»

- in Մամուլ
Davit Babayan

«Հրապարակ» թերթը գրում է. Հնարավոր է սահմանային լարվածության պատճառով ԼՂՀ սահմանադրական բարեփոխումների գործընթացը չեղյալ հայտարարվի։ Այս հարցը վերջին օրերին ակտիվ քննարկվում է։

ԼՂ նախագահի խոսնակ Դավիթ Բաբայանն այս մասին ասել է. «Այս պահի դրությամբ շատ ավելի լուրջ խնդիրներ կան, թողեք մի հատ տեսնենք ինչ է, ոնց է, նոր կխոսենք այդ մասին»։ Հավելել է նաև, որ որևէ մեկը պաշտոնապես չի հայտարարել, որ գործընթացը դադարեցվում է. «Մյուս կողմից էլ դուք գիտեք, որ իրավիճակն այնպիսին է, որ այս պահի դրությամբ առավել կարևոր է պետության անվտանգության պահպանումը, այնուհետև կտեսնենք»։

Հիշեցնենք, որ մարտի 21-ին Բակո Սահակյանի հրամանագրով ձևավորվել է սահմանադրական բարեփոխումների հանձնաժողով, որը մինչև 2016 թ․ մայիսի 1-ը պետք է ներկայացնի բարեփոխումների հայեցակարգը, ապա մինչև 2016 թ․ սեպտեմբերի 10-ը մշակի և նախագահին ներկայացնի Սահմանադրության նախագիծը:

Հավանեցիք, տարածե՛ք սոցցանցերում
20