Տավուշի մարզի Բաղանիս գյուղը գնդակոծվել է 12.7 մմ տրամաչափի գնդացիրներով

Tavush gyux

Երեկ՝ ապրիլի 6-ի երեկոյան, ժամը 23:00-23:30-ն ընկած ժամանակահատվածում, ադրբեջանական հենակետերից կրկին գնդակոծվել է Բաղանիս գյուղը:

Բաղանիսի գյուղապետ Նարեկ Սահակյանը մեզ հետ զրույցում ասաց, որ ադրբեջանական կողմը գնդակոծել է 12.7 մմ տրամաչափի գնդացիրներով:

«Տուժածներ չունենք, վնասի չափերը ճշտվում են: Միշտ դիրքային կրակոցներ եղել են, ապրիլի 1-5-ը ընդհանուր առմամբ հանգիստ է եղել: Ուղղակի էս ծավալի չէր եղել, որ ուղիղ կես ժամ կրակեին»,- ասաց գյուղապետը:

Գյուղապետը նաև ասաց, որ գնդակոծման արդյունքում գյուղի բնակիչները չեն տեղափոխվի ավելի ապահով վայրեր: «Համարյա նույն բանն է, այնպես չի, որ առաջին անգամ է»,- նշեց Սահակյանը:

Վերջինս տեղյակ չէր՝ կողքի գյուղերը գնդակոծվե՞լ են, թե՞ ոչ:

Տավուշի մարզի Բաղանիսից ևս այս պահին կան Ղարաբաղում ծառայողներ. «Փառք Աստծո, բոլորը ողջ-առողջ են»:

Spread the love

Be the first to comment

Leave a Reply

This site uses Akismet to reduce spam. Learn how your comment data is processed.