Թուրք ոսկերիչները ռուսական բարձր մաքսատուրքի պատճառով իրենց բիզնեսը տեղափոխում են Հայաստան

- in Հասարակություն
Turky

Թուրքական Hürriyet թերթի փոխանցմամբ՝ թուրք ոսկերիչները Ռուսաստանի բարձր մաքսատուրքերից խուսափելու համար իրենց արտադրությունը սկսել են տեղափոխել Հայաստան՝ արհեստանոցներ հիմնելով այնտեղ:

Այդ հարցում հաշվի է առնվել նաև Հայաստանում էժան աշխատուժի ու հանրահայտ վարպետների առկայությունը: Թերթի պնդմամբ՝ վերջին օրերին ոսկերիչների շրջանում ամենահանրաճանաչը դարձել են երկու երկրներ՝ Հայաստանն ու Իրանը:

Իրանը նորաբաց շուկա է ոսկերիչների համար, և նրանք այդ շուկայում տեղ զբաղեցնելու համար Իրանում մասնակցում են ցուցահանդեսների, Իրանում գործող ոսկերիչների հետ հիմնում են համատեղ ձեռնարկություններ:

Թեև Ռուսաստանը բեռնարգելք չի դրել Թուրքիայից ոսկու ներկրման վրա, սակայն 42 տոկոսի հասնող մաքսատուրքը դժվարին դրության մեջ է դրել թուրք ոսկերիչներին՝ բարդացնելով ոսկու առևտուրը:

Դրա հաար էլ Քափալըչարշըի (Փակ շուկա) ոսկերիչները ելքը տեսում են Հայաստան տեղափոխվելու մեջ: Նրանց մեծ մասն ունեն հայկական արմատներ: Հայաստան տեղափոխվելու վրա ազդել է նաև զբոսաշրջիկների թվի պակասը:

Հավանեցիք, տարածե՛ք սոցցանցերում
20