ՀՅԴ-ականներն այլևս սկսել են չնկատել մենաշնորհները

Artsvik minasyan

Ազգային ժողովի ՀԱԿ խմբակցության ղեկավար Լևոն Զուրաբյանն այսօր խորհրդարանում լրագրողների հետ զրույցում հետևյալ հարցն ուղղեց էկոնոմիկայի նախարար Արծվիկ Մինասյանին՝ ձեր տեսողության որակի վրա ինչն է ազդում:

Էկոնոմիկայի նախարարությունը երեկ հայտարարություն էր տարածել, որում նշվում էր, որ ակնկալում են ԶԼՄ-ների, հասարակական կազմակերպությունների, շահառուների, անհատ քաղաքացիների ակտիվ մասնակցությունը հակամենաշնորհային քաղաքականության ձևավորման գործում: Հայտարարությամբ կոչ էր արվում մրցակցային պայմանների խեղաթյուրման և խախտումների դեպքերի վերաբերյալ մինչև մայիսի 20-ը զանգել էկոնոմիկայի նախարարություն կամ գրել նախարարության էլեկտրոնային փոստին. «Դուք կարող եք հակադարձել Արծվիկ Մինասյանին, ասեք՝ բայց դուք ժամանակին ձեր կուսակցության կողմից ստորագրել եք 12 կետերը, որոնք պահանջում են մենաշնորհների վերացում: Էդ ժամանակ ի՞նչը նկատի ունեիք, էն ժամանակ տեսնում էիք մենաշնորհները, ի՞նչն է հիմա խանգարում ձեզ, կամ ձեր տեսողության որակի վրա ի՞նչն է ազդում: Իրավիճա՞կն է հիմա փոխվել, այլևս մենաշնորհներ չկա՞ն»:

Հիշեցնենք, որ 12 կետերը ստորագրվել էին այն ժամանակ, երբ ընդդիմությունը հանդես էր գալիս քառյակի ձևաչափով:

Գուցե իշխանություն կազմելուց հետո ՀՅԴ-ականներն այլևս սկսել են չնկատել մենաշնորհները, ինչին Լևոն Զուրաբյանը պատասխանեց, որ ուրեմն պետք է ուսումնասիրել իշխանության հասնելու հեռևանքները տեսողության վրա:

Spread the love

Leave a Reply

This site uses Akismet to reduce spam. Learn how your comment data is processed.