Պուտինը ՌԴ Անվտանգության խորհրդի անդամների հետ քննարկել է ԼՂ հակամարտության կարգավորման ընթացքը

- in Միջազգային
Putin Vladimir

Ռուսաստանի նախագահ Վլադիմիր Պուտինն անվտանգության խորհրդի մշտական անդամների հետ քննարկել է Լեռնային Ղարաբաղի հակամարտության կարգավորման ընթացքը:

Ինչպես հաղորդում է «Արմենպրես»-ը` վկայակոչելով Կրեմլի պաշտոնական կայքը, խորհրդակցության մասնակիցները մտքեր են փոխանակել ԼՂ հակամարտության կարգավորման շուրջ` Վիեննայում մայիսի 16-ին տեղի ունեցած Հայաստանի և Ադրբեջանի նախագահների հանդիպման համատեք ստում:

Անդրադարձ է կատարվել նաև ներռուսաստանյան օրակարգային հարցերի: Պուտինի գլխավորությամբ խորհրդակցությանը մասնակցել են Պետդումայի նախագահ Սերգեյ Նարիշկինը, ՌԴ նախագահի աշխատակազմի ղեկավար Սերգեյ Իվանովը, Անվտանգության խորհրդի քարտուղար Նիկոլայ Պատրուշևը, Ներքին գործերի նախարար Վլադիմիր Կոլոկոլցևը, Պաշտպանության նախարար Սերգեյ Շոյգուն, Անվտանգության դաշնային ծառայության տնօրեն Ալեքսանդր Բորտնիկովը, Արտաքին հետախուզության ծառայության տնօրեն Միխայիլ Ֆրադկովը և Անվտանգության խորհրդի քարտուղարի տեղակալ Ռաշիդ Նուրգալիևը:

Spread the love