Ցույց տվեք՝ թող սարսափեն, թող տեսնեն. պետք ա նստած տունը՝ մարդ սարսափի

- in Պաշտոնական
Vladimir Gasparyan

Մայիսի 6-ին տեղի է ունեցել Հայաստանի Հանրապետությունում թմրամիջոցների ու հոգեմետ նյութերի շրջանառության կանխարգելման միջգերատեսչական հանձնաժողովի հերթական նիստը, որը վարել է ոստիկանության պետ Վլադիմիր Գասպարյանը։

Անդրադառնալով թմրամոլության հակազդման առաջնահերթություններին՝ Վլադիմիր Գասպարյանը կարևորել է հատկապես պատանիներին ու երիտասարդներին այդ ախտից զերծ պահելու պատասխանատվությունը։

Թմրամիջոցների ապօրինի շրջանառութան հետ կապված ընդհանուր վիճակի, 2015 թ. և 2016 թ. առաջին եռամսյակում արձանագրված դեպքերի, թմրամիջոցների և հոգեմետ նյութերի շրջանառությունը վերահսկելի դարձնելու ուղղությամբ ձեռնարկվելիք միջոցների վերաբերյալ զեկույցով հանդես եկավ ոստիկանության պետի առաջին տեղակալ Հունան Պողոսյանը։

Հանձնաժողովի անդամներն անդրադարձել են թմրամիջոցների առանձին տեսակների շրջանառության դեմ պայքարի, փոստային առաքումների միջոցով թմրամիջոցների և հոգեմետ նյութերի անօրինական ներկրման ու արտահանման, հանրապետությունում թմրամիջոցների ընդհատակյա արտադրության հնարավոր սպառնալիքը կանխելուն ուղղված միջոցառումներին և մի շարք այլ հարցերի, որոնք օրախնդիր են իրավապահ, առողջապահական, կրթական և այլ գերատեսչությունների, տարածքային կառավարման մարմինների, մանկավարժների, ծնողների, ըստ էության, ողջ հասարակության համար։

Անդրադառնալով հանրային իրավագիտակցության բարձրացման և հասարակական վերահսկողության խստացման խնդիրներին՝ Վլադիմիր Գասպարյանը կարևորել է հակաթմրամոլային քարոզչության նշանակությունը։

Օրակարգի հարցերի քննարկման ընթացքում հանձնաժողովի անդամների կողմից արվել են գործնական առաջարկներ, կարևորվել է համագործակցությունը ինչպես գերատեսչությունների միջև, այնպես էլ համայնքների ներկայացուցիչների, ուսուցչական կոլեկտիվների, լրատվամիջոցների և շահագրգիռ այլ կառույցների հետ։

Միջգերատեսչական հանձնաժողովի նիստի ավարտին հաստատվել է 2016 թվականի աշխատանքային պլանը, որով սահմանված են գերատեսչությունների գործունեության ոլորտները, միջանկյալ ծրագրերը և դրանց իրականացման ժամկետները։

Հավանեցիք, տարածե՛ք սոցցանցերում
20