Բանկը դատի է տվել ոստիկանության պետի տեղակալ Լևոն Երանոսյանին, սակայն հետագայում փոշմանել է

- in Տնտեսական
111
yeranosyan Levon

«Հայբիզնեսբանկ» փակ բաժնետիրական ընկերությունը 2014թ․-ին հայց է ներկայացրել Արմավիրի մարզի ընդհանուր իրավասության դատարան՝ ընդդեմ ՀՀ ոստիկանության պետի տեղակալ Լևոն Երանոսյանի  և երրորդ անձ` Սահակ Ռուբենյանի։

Բանկը պահանջել է պատասխանողներից գումար բռնագանձել և բռնագանձումը գրավադրված գույքի վրա տարածել։

iravaban.net-ի հաղորդմամբ՝ երկու ամիս անց բանկի իրավաբանական դեպարտամենտի տնօրենը հայցից հրաժարվելու վերաբերյալ միջնորդություն է ներկայացրել դատարան՝ հայտնելով, որ ՀՀ քաղաքացիական դատավարության օրենսգրքի 32-րդ հոդվածի 1-ին մասի և 109-րդ հոդվածի 6-րդ կետի հիմքով հրաժարվում է ներկայացված հայցից և խնդրել է գործի վարույթը կարճել։

Համաձայն ՀՀ քաղաքացիական դատավարության օրենսգրքի 109-րդ հոդվածի 6-րդ կետի` հայցից հրաժարվելու դեպքում գործի վարույթը ենթակա է կարճման, ուստի դատարանը 2015թ․ հունվարի 29-ին վճիռ է կայացրել գործի վարույթը կարճելու վերաբերյալ։

Հավանեցիք, տարածե՛ք սոցցանցերում
20