Պաշտպանության նախարարը շրջում է առանց թիկնապահների

- in Մամուլ
Vigen Sargsyan

«Փաստ» օրաթերթը գրում է. Կիրակի օրը, Երեւանի Արաբկիր թաղամասում, ՀՀ պաշտպանության նախարար Վիգեն Սարգսյանը իր աղջիկների հետ զբոսնում էր մարդաշատ փողոցում:

«Փաստի» թղթակիցը, նկատելով նրանց, ուշադիր փնտրեց թիկնապահներին: Ոչ մի թիկնապահ չկար: Իհարկե, սա «աշխարհացունց» միջադեպ չէր, սակայն Հայաստանում ժողովրդի աչքը սովոր է, որ բարձրաստիճան պաշտոնյաներն ու բիզնեսմենները զինված թիկնապահների «ոհմակով» շրջեն: Ինչպես ասում են՝ «мелочь, но приятно»:

Երեկոները, իր երկու ընկերների հետ, միշտ՝ առանց թիկնապահների, Օպերայի տարածքում ժամանակին զբոսնում էր նաեւ ԱԱԾ նախկին պետ, գեներալ Գորիկ Հակոբյանը:Մեկ ուրիշ պաշտոնյա էլ էր ուզում նմանակել նրան, բայց չէր ստացվում:

Խոսքը Երեւանի նախկին ոստիկանապետ Ներսիկ Նազարյանի մասին է: Ներսիկի դեպքում երեք–չորս կարմիր բերետավորներ նրան հսկում էին 6–7 մետր հեռավորությունից, ինչը չէր կարող վրիպել անցորդների աչքից:

Հավանեցիք, տարածե՛ք սոցցանցերում
20