Բրիտանական խորհրդարանում գրանցվել է պոռնոկայքեր մուտքի 24 հազար փորձ

England Mec Britania

Բրիտանական խորհրդարանի համակարգչային ցանցում 2017 թվականի հունիսից հոկտեմբեր գրանցվել են պոռնոգրաֆիական նյութեր պարունակող կայքերին հասանելություն ստանալու ավելի քան 24 հազար փորձեր։ Այս մասին հայտնում է The Guardian-ը։

Նման տվյալներ են ստացվել խորհրդարանի երկու պալատների 8500 համակարգիչներից, որոնցից, օրենսդիրներից բացի, օգտվում են նաև նրանց օգնականները և տեխնիկական աշխատողները։ Տվյալներում հաշվարկված են նաև խորհրդարանի Wi-fi-ին միացած անձնական սարքերը։

Ինչպես պարբերականին հայտնել է օրենսդիրներից մեկը, բոլոր պոռնոկայքերը խորհրդարանում արգելափակված են և դրանց հասանելիություն ստանալու փորձերը (օրական մոտ 160 անգամ) հանդիսանում են պատահական։

Խորհրդարանականների ցանցային ակտիվության մասին տեղեկությունը հրապարակվել է այն բանից հետո, երբ բրիտանական կառավարության աշխատակազմի ղեկավար Դեմիեն Գրինը հայտնվել է սկանդալում՝ կապված նրա ծառայողական համակարգչում պոռնոգրաֆիական նյութերի հայտնաբերման հետ։ Քաղաքական գործիչը հրաժարական է տվել, սակայն հայտարարել, որ խորհրդարանական համակարգչում պոռնոգրաֆիա չի ներբեռնել և չի դիտել։

Spread the love