Զուտ, զուտ…․ էլի սկսո՞ւմ ենք նույն պատմությունը․ Կարեն Կարապետյանի դիտողությունը ԿԳ նախարարին

Levon Mkrtchyan

Կառավարության նիստում վարչապետ Կարեն Կարապետյանը կրկին անդրադարձավ նախագծերի լրացուցիչ քննարկման համար կառավարության անդամների կողմից մեկ կամ ավելի լրացուցիչ օրեր խնդրելու գործելաոճին:

Կառավարության աշխատակազմի ղեկավար Վահե Ստեփանյանը, ով ներկայացնում էր Հայաստանի Հանրապետության կառավարության 2015 թվականի սեպտեմբերի 25-ի N 1141-Ն որոշման մեջ լրացումներ կատարելու մասին հարցը, լրացուցիչ օր խնդրեց։ Արձագանքելով վարչապետն ասաց.«Կրկին սկսո՞ւմ ենք նույն պատմությունը, պարբերաբար չի կարելի չէ՞ դա անել՝ մեկ օր, երեք օր»:

Այնուհետև կրթության և գիտության նախարար Լևոն Մկրտչյանը «Բարձրագույն կրթության» և մի շարք այլ օրենքներում փոփոխությունների նախագծի համար լրացուցիչ ժամանակ խնդրեց՝ «զուտ այսինչ փոփոխության համար»:

Կարեն Կարապետյանն ի պատասխան ասաց. «Այ այդ զուտերը, այնպես արեք, որ չլինի, երկու օր քննարկել ենք, զուտ, զուտ…Բոլոր դիտողությունները հնարավոր չէ՞ մինչև կառավարության նիստն անել»:

2 օր ժամանակ խնդրեց նաև փոխվարչապետ Վաչե Գաբրիելյանը՝ նախապես հայցելով վարչապետի ներողամտությունը:

Spread the love