Գառնեցիներ. «Մենք մեր քայլն ենք անում, էս կառավարությունը պիտի գնա»

- in Սոցիալական
Xorenatsi, cuyc

Այսօր Գառնի համայնքի բնակիչները փակել են Գառնի տանող ճանապարհը։ Այս մասին տեղեկացրին Գառնիի բնակիչները։ Նրանք հայտնեցին, որ այս կերպ իրենց աջակցությունն են հայտնում Երևանում բողոքի ակցիա իրականացնող քաղաքացիներին։

«Մենք մեր Երևանի ժողովրդի հետ ենք, պիտի պայքարենք էս իշխանության դեմ, Հանրապետականը պիտի հեռանա, էս կառավարությունը մորթում ու թալանում ա գյուղացիներին, ու մենք էլ սենց մեր քայլն ենք անում»,- մեզ հետ զրույցում ասացին գառնեցիները։

Նրանց խոսքերով՝ մեծ թվով ոստիկաններ են եկել ճանապարհը բացելու համար. կա բերման ենթարկված մեկ մարդ՝ 26-ամյա Շանթ Պետրոսյանը։

«Մի քանի ավտո ոստիկան է եկել, մեզ քաշքշելով, հրմշտելով ուզում են ճամփեն բացեն, ոստիկանության Գառնիի բաժնի պետն էլ ա էստեղ»,- հայտնեց ակցիայի մասնակից Տիգրան Սեդրակյանը։

Վերջինս նաև տեղեկացրեց, որ իր եղբորը՝ Վահրամ Սեդրակյանին, այսօր առավոտյան ժամը 7-ին իր բնակարանից բերման են ենթարկել երեկ Հանրապետության հրապարակում հանրահավաքին մասնակցելու համար։

«Սկզբում տարել էին Աբովյանի բաժին, հետո էլի բերել էին Գառնի, բայց 4-5 ժամ պահելուց հետո բաց են թողել»,- հայտնեց Տիգրան Սեդրակյանը։

Spread the love