Ռուսաստանի քրեական աշխարհը հերթական առճակատման է պատրաստվում, հանցավոր աշխարհի արքաները քրդե՞րն են

- in Միջազգային
Gox

1 տարի անց լրանում է Ռուսաստանում հայտնի քրեական հեղինակություններից մեկի՝ Տարիել Օնիանիի (Տարո) բանտարկության 10 տարին:

Քրեական գործեր հետաքննող աշխատակիցների խոսքով՝ երկու այլ քրեական հայտնի հանցագործներին՝ Վյաչեսլավ Իվանկովին (Յապոնչիկ) և Ասլան Ուսոյանին (Դեդ Հասան) սպանելու հրաման է տվել հենց Տարոն: Այդ մասին հայտնում է news.rambler.ru-ն:

Չորրորդ խոշոր հեղինակությունը՝ Շաքրո Մոլոդոյը, օրերս դատապարտվել է 9 տարի 10 ամիս ազատազրկման խիստ ռեժիմի գաղութում:

Լրատվամիջոցի կարծիքով՝ երբ Տարոն դուրս գա բանտի դարպասներից, երկրում անտեսանելի քրեական ցունամի կսկսվի, այնպես որ, Ռուսաստանը կանգնած է քրեական հերթական խոշոր առճակատման շեմին:

Այժմ Ռուսաստանում գործում են ավելի քան 400 «թագադրված» գողեր, նրանցից մոտ 100-ը ազատազրկման մեջ են, 20-ը՝ հետախուզման, 30-ի նկատմամբ հետաքննություն է անցկացվում:

Գողերի ազգային կազմի պատկերն այսպիսին է՝ վրացիներ՝ 56%, ռուսներ՝ 12%, հայեր և եզդիներ՝ 7-ական տոկոս, ադրբեջանցիներ՝ 4%, աբխազներ՝ 3%, չեչեններ և հրեաներ՝ 2-ական տոկոս:

Մոսկվայի Նիկուլինյան դատարանը քրդական ծագում ունեցող օրենքով գող Զախար Քալաշովին, ով հայտնի է որպես Շաքրո Մոլոդոյ, դատապարտեց 9 տարի և 10 ամսվա ազատազրկման՝ խիստ ռեժիմի գաղութում: Այդ մասին հայտնում է pravda.ru-ն:

Հանցավոր աշխարհի ղեկավարը մեղադրվում է քրեական խմբում բռնության կիրառմամբ լայնամասշտաբ երկու շորթումների մեջ: Մեղադրանքների դրվագներից մեկը, որը կապված է Elements կորեական ռեստորանի սեփականատեր Ժաննա Կիմից 8 մլն ռուբլի շորթման հետ, ավարտվել է կրակոցներով, որի ընթացքում 2 մարդ սպանվել են, ևս 8-ը վիրավորվել: Քրեական վիճաբանությունը տեղի է ունեցել 2015-ի դեկտեմբերի 14-ին:

Ավելի վաղ ասվել է, որ Քալաշովի ձերբակալումից ի վեր հանցավոր աշխարհի ներկայացուցիչները մտահոգված են նոր առաջնորդի ընտրության հարցով: Հայտնի է, որ Շաքրո Մոլոդոյը հանցավոր աշխարհի առաջնորդի կարգավիճակ է ստացել մեկ այլ քրեական հեղինակության՝ Դեդ Հասան մականունը կրող Ասլան Ուսոյանի սպանությունից հետո, որը կատարվել է 2013-ին: Քրեական աշխարհի նորընտիր առաջնորդը Ուսոյանի սպանությունից հետո ստանձնել է նաև վերջինիս կողմից ձևավորված քրդական հանցավոր խմբավորման ղեկավարությունը:

Դեռ 1960-ականներին «օրենքով գողի» կարգավիճակը ստացած Դեդ Հասանը իր հանցավոր գործունեության նախնական փուլում ղեկավարել է ռուսաստանյան մի քանի քաղաքների հանցավոր շրջանակներ՝ որոնց թվում նաև քրդական հանցախմբեր Կիսլովոդսկում, Մինվոդիում, Կրասնոդարում և Սոչիում: Իսկ արդեն 90-ականների կեսերին վերջինիս վերահսկողության տակ են անցել մերձբալթյան երկրների, Արևմտյան Եվրոպայի և Իսրայելի քրթական հանցախմբերը: Պետք է նշել սակայն, որ քրդական հանցավոր աշխարհը բնավ միասեռ չէ և իր ներսում միշտ հակասություններ է կրել: Վերջինի օրինակն է՝ 1996-ին քրդական հանցախմբերի հեղինակություն Միրոն Մամեդովի Մոսկվայում կատարված սպանությունը, ով թշնամական հարաբերություններ ուներ Ուսոյանի հետ:

Այժմ քրդական հանցախմբերի հետ է կապվում նաև վերջերս Տամբովում կանխված ահաբեկչությունը, որտեղ Միջին Ասիայից ժամանած ներգաղթյալները հզոր ցանց են ձևավորել:

Իրավապաշտպանները մի շարք չլուծված խնդիրներ ունեն նաև քրդական համայնքի գործարարների հետ: Վերջին ժամանակներում ուժային կառույցների ուշադրությունը հատկապես սևեռվել է տամբովյան գործարար և տարածաշրջանային Դումայի պատգամավոր Ջամալ Շամոյանի վրա: Նրանք պարզել են, որ գործարարը ընդհատակյա ծխախոտի գործարան է պահել, որտեղ արտադրվել են ռուսական և արտասահմանյան ապրանքանիշների ծխախոտներ: Ավելի ուշ Շամոյանի հետ կապված հարցեր են առաջացել նաև մի քանի շինարարական ընկերությունների աշխատակիցներին աշխատավարձ չտալու, ինչպես նաև հարկային պարտավորությունները չկատարելու և բյուջետային միջոցները սեփականացնելու վերաբերյալ:

Համացանցում լուրեր են շրջանառվում նաև Սարատովի շրջանում քրդական համայնքների ներկայացուցիչների անօրինությունների մասին: Քուրդ ֆերմերները արածեցնում են իրենց անասուններին ուրիշների տարածքներում, որոնք նախատեսված չեն այդ նպատակի համար, իսկ Ադիգեայում քրդերի հետ են կապում թմրավաճառությունը:

Միևնույն ժամանակ Մոսկվայում գործում է մի շատ կասկածելի, կիսաօրինական կազմակերպություն, որը զբաղվում է Ռուսաստանում արգելված գրականության տարածմամբ և ծայրահեղականության պրոպագանդայով: Որոշ տվյալների համաձայն՝ այն քողարկում է Մոսկվայի այնպիսի հանցատեղիներ, որտեղ ծաղկում է ապրում անչափահասների մարմնավաճառությունը և թմրամոլությունը:

Փաստորեն քրդական խնդիրը միայն թուրքական կամ սիրիական չէ: Տեղափոխվելով Ռուսաստան որոշ քրդեր արդեն հասցրել են սկանդալային կերպարներ ձեռքբերել: Ակնհայտ է, որ Ռուսաստանի տարբեր շրջաններում հենց քրդական համայնքներն են դառնում հանցավորության և բացահայտ ավազակության կենտրոնները:

Spread the love