Կարող է` գնան, ինչ-որ ժամանակ գա, նորից գան. Գալուստ Սահակյանը` ՀՀԿ առնետավազքի մասին

- in Մամուլ
Galust Sahakyan

«Ժողովուրդ» թերթը գրում է. «Ինչպես հայտնի էհամաժողովրդական շարժման առաջին իսկ օրերից ՀՀԿ-ից լուրջ արտահոսք է սկսվել. այս օրերին շատ-շատերը հրաժարվում են ՀՀԿ անդամությունից պատռելով իրենց կուսակցական տոմսերը:

Ավելին` առաջիկայում չի բացառվում, որ ՀՀԿ-ն հայտնվի ֆինանսական խնդիրների առաջ: Ի վերջո, մինչև հիմա ՀՀԿ-ն ֆինանսավորում էին պաշտոնյաներն ու հայտնի գործարարները, բայց նրանք հազիվ թե ֆինանսավորեն ՀՀԿ-ին, երբ տեսնեն, որ այն այլևս իշխանություն չէ:

Դե յուրե իշխանությունից զրկվելուց հետո էլ ավելի մեծ թափով ՀՀԿ-ն կլքեն պետական աշխատողները, որոնց ժամանակին ստիպողաբար էին կուսակցականացրել, և որոնք դեռ երկմտում են՝ անե՞ն վճռական քայլը, թե՞ ոչ:

Միայն թե ՀՀԿ փոխնախագահ Գալուստ Սահակյանը «Ժողովուրդ» օրաթերթի հետ զրույցում հայտարարել է, թե իրենք հանգիստ են տանում կատարվածը. «Չեմ կարծում, որ մի քանի հազար անձ կուսակցության շարքերը կլքի: …Կարող էգնան, կարող է նաև գնան, ինչ-որ ժամանակ գա, նորից գան: Բայց կուսակցությունն ունի իր հզոր անդամները, որոնք մշտապես գործելու են և մնալու են կուսակցության մեջ»,- ասել է Գ. Սահակյանը»:

Հավանեցիք, տարածե՛ք սոցցանցերում
20