Ավագ դպրոցների բովանդակությունը պետք է փոխվի. Արարատյան բակալավրիատի ֆինանսական աուդիտի արդյունքները պատրաստ են

- in Կրթություն

Ավագ դպրոցներում պետք է փոխվի բովանդակությունը, որպեսզի շրջանավարտներն այլևս կրկնուսույցների կարիքը չունենան:

Լրագրողների հետ զրույցում այս մասին ասաց ՀՀ կրթության և գիտության նախարար Արայիկ Հարությունյանը:

«Ավագ դպրոցների բովանդակությունը պետք է փոխվի, քանի որ այս պարագայում մենք չենք ստանում այն արդյունքը, որ պետք է լինի՝ աշակերտները շարունակում են պարապել կրկնուսույցների մոտ: Մենք պետք է այնպես անենք, որպեսզի աշակերտներն այլևս դրա կարիքը չունենան: Ավագ դպրոցի զարգացման վրա ազդում են նաև մի շարք այլ գործոններ, մասնավորապես՝ միջին մասնագիտական ուսումնական հաստատությունների և այդ ոլորտի թերի զարգացածությունը»,- եզրափակեց նախարարը:

Նրա խոսքով՝ ավագ դպրոցներում բացակայում է ծրագրերի բովանդակությունը, մեթոդները նույնպես թերի են:

Արայիկ Հարությունյանը շարունակում է պնդել, որ Տեր Մեսրոպը՝ Սերժ Սարգսյանի նախկին խորհրդականը հանրակրթությանն ամենամեծ վնասն հասցրած անձանցից է։ Այս մասին նա շեշտեց այսօր՝ հունիսի 12-ին լրագրողների հետ զրույցում. «Արարատյան բակալավրիատի աուդիտով չէ, որ ես պետք է այդ կարծիքը հայտնեմ։ Մինչեւ աուդիտն եմ այդ կարծիքը հայտնել եւ շարունակելու եմ պնդել»։

Կրթության գերազանցության ազգային ծրագրի ֆինանսավորման հնարավորության մասին նախարարը հայտնեց, որ հարցը հիմա քննարկվում է։

Հավանեցիք, տարածե՛ք սոցցանցերում
20