Եթե հարկերի վճարման շրջանակում 50-60 տոկոս գնագոյացման աճ լինի, ապա կողքի փոքր խանութներն ավելի շատ մրցունակ կլինեն

- in Սոցիալական
Պետական եկամուտների կոմիտեն գնագոյացման հետ որևէ հարց լուծելու ոչ գործառույթ ունի, ոչ՝ ցանկություն, գործադիր մարմնի նիստից հետո լրագրողներին ասաց ՊԵԿ նախագահ Դավիթ Անանյանը:
Արձագանքելով հարցին, թե հրապարակումներ են եղել, որ խոշոր սուպերմարկետները, եթե գան ԱԱՀ-ի դաշտ, կբարձրացնեն ապրանքների գները, Դավիթ Անանյանն ասաց.
«Այո, այդպիսի գնահատականների մասին ես էլ եմ լսել: Խնդիրը շատ պարզ ու հասարակ է, եթե մենք ասում ենք, որ տնտեսվարողները պետք է գործեն բացառապես օրենքի շրջանակում, նշանակում է, որ գյուղմթերքները և մսամթերքները պետք է վճարեն իր հարկերն ամբողջ ծավալով, եթե ԱԱՀ-ի դաշտում է աշխատում սուպերմարկետը: Եթե այդ հարկերի վճարման շրջանակում 50-60 տոկոս գնագոյացման աճ կլինի, շուկայական հարաբերություններ են, դա կնշանակի, որ կողքի փոքր խանութներն ավելի շատ մրցունակ կլինեն»:
Spread the love