Մոլդովայի ԿԸՀ-ն հրապարակում է խորհրդարանական ընտրությունների նախնական արդյունքները

- in Ընտրություններ
Yntrutyun

Մոլդովայի Կենտրոնական ընտրական հանձնաժողովը հրապարակել է երկրի խորհրդարանական ընտրությունների առաջին արդյունքները:

Համաձայն տվյալների՝ խորհրդարանական ընտրություններում առաջատարն է  Սոցիալիստական կուսակցությունը՝ ըստ  75 տոկոսից ավելի մշակված քվեաթերթիկների հաշվարկի: Սոցիալիստական կուսակցությունը ստացել է ձայների 31,45 տոկոսը:

Երկրորդ տեղուըմ գտնվող դեմոկրատները ստացել են ընտրողների ձայների 25,6 տոկոսը, իսկ ACUM ընդդիմադիր դաշինքը` 24,36 տոկոսը:

Չորրորդ տեղում Շոր կուսակցությունն է` 9,09 տոկոս ձայնով:

Հիշեցնենք, որ կիրակի Մոլդովայում տեղի են ունեղել խորհրդարանական ընտրություններ, մասնակցությունն ընտրատեղամասերի փակման պահին կազմել է 49,09 տոկոս կամ  մասնակցել է ընտրելու իրավունք ունեցող 1 մլն 44 հազար քաղաքացի:

Ընտրություններն առաջին անգամ անցկացվել են խառը ընտրական համակարգով՝ 50 պատգամավոր՝ կուսակցական ցուցակներով, 51 պատգամավոր՝ առանձին ընտրատարածքներից: