Սցենարը հայտնի է. Ինչպես կատարել կրճատումներ, որ քիչ ցավոտ լինի

- in Մամուլ
karavarutyan

«Ժողովուրդ» թերթը գրում է. «Կառավարության կառուցվածքի շուրջ քննարկումները և դրանից բխող աշխատատեղերի կրճատման հարցը շարունակում են մնալ օրակարգում:

«Ժողովուրդ» օրաթերթի տեղեկություններով` այժմ իշխանությունները հնարավոր սցենարներ են մշակում, թե ինչպես կարող են օպտիմալացումներ կատարել, որպեսզի հնարավորինս ցավոտ չլինի պետական համակարգի աշխատակիցների համար: Եվ, ահա, մեր տեղեկություններով` այս պահին որոշված սցենարի համաձայն` խոսքը 100 աշխատողի մասին է, որոնք օպտիմալացումից հետո կմնան առանց աշխատանք:

Միևնույն ժամանակ, որոշում է կայացվել, որ սկզբնական շրջանում սպասարկման ոլորտի աշխատողները չեն կրճատվելու, այլ պարզապես միացվող նախարարությունների պարագայում այդ բաժինները ևս միանալու են, և թվաքանակն էլ կգումարվի:

Սակայն կառավարությունը նպատակ ունի գործի դնել աշխատակիցների գնահատման մեխանիզմ, և մի որոշ ժամանակ հետո իրենց չարդարացրածները կհեռանան համակարգից»:

Հավանեցիք, տարածեք սոցցանցերում ...