Մարդկանց 74,1%-ը դրական է գնահատում Փաշինյանի կառավարության վերջին 100 օրվա գործունեությունը

- in Պաշտոնական

«GALLUP International association»-ի իրականացված հարցումների մասնակիցների 74,1%-ը դրական է գնահատել ՀՀ վարչապետ Նիկոլ Փաշինյանի ձևավորած կառավարության վերջին 100 օրվա գործունեությունը: 

«Արմենպրես»-ի փոխանցմամբ` այս մասին մայիսի 22-ին տեղի ունեցած մամուլի ասուլիսի ընթացքում ասաց «GALLUP International association»-ի Հայաստանում լիիրավ անդամ «Էմ Փի ՋԻ» ՍՊԸ տնօրեն Արամ Նավասարդյանը:

«Քաղաքացիներին խնդրել ենք գնահատել Փաշինյանի ձևավորած նոր կառավարության պաշտոնավարման 100 օրը: 53,8%-ը նշել է, որ ավելի շուտ դրական է գնահատում, իսկ 20,3%-ը` լիովին դրական»,- ասաց Նավասարդյանը:

Հարցվածների 57,7%-ը նշել է, որ համաձայն է նոր կառավարությունում Նիկոլ Փաշինյանի կողմից կատարված նշանակումների հետ:

Հավանեցիք, տարածեք սոցցանցերում ...