Հունիսի 25-ին ոստիկանության Մաշտոցի բաժնում ստացվեցին օպերատիվ տեղեկություններ, որ Նորք-Մարաշ 17-րդ փողոցի վերջնամասի տներից մեկում սպանություն է եղել:

Ոստիկանությունից հայտնում են, որ ոստիկանության օպերատիվ խումբը նշված վայրում հայտնաբերեց սավանով եւ պոլիէթիլենով փաթաթված Երեւանի բնակիչ, 25-ամյա Էլեն Սիմոնյանի դին:

Դիակի վրա կային մեկ տասնյակից ավելի կտրած-ծակած վերքեր, իսկ դեմքն ամբողջությամբ ջնջխված էր:

Ոստիկանների անհետաձգելի, ծավալուն օպերատիվ-հետախուզական միջոցառումների շնորհիվ ճշտվեց կասկածյալի ինքնությունը:

Հունիսի 26-ի առավոտյան ոստիկանության Մարաշի բաժանմունքի ծառայողները կասկածյալին հայտնաբերեցին Նորքի 17-րդ փողոցում եւ սպանությունը կատարելու կասկածանքով բերման ենթարկեցին ոստիկանություն:

Կատարվածի բոլոր հանգամանքները ճշտվում են:

Հավանեցիք, տարածեք սոցցանցերում ...