vtar

Դիլիջան-Գոշավանք ավտոճանապարհին տեղի ունեցած վթարի հետևանքով 11 տուժած դիմել է Դիլիջանի «Տավուշ Բժշկական Կենտրոն»: Այս մասին «Ֆեյսբուք»-ի իր էջում գրել է ՀՀ առողջապահության նախարարության մամուլի խոսնակ Ալինա Նիկողոսյանը:

«Նրանցից 3-ի մոտ ախտորոշվել է ոսկրերի կոտրվածք, մնացած 8-ի մոտ կան սալջարդեր և թեթև քերծվածքներ: Բոլորը ստացել են համապատասխան ամբուլատոր օգնություն»,- գրել է նա:

«911» ծառայությունը օգոստոսի 3-ին  ժամը 13:00-ին ահազանգ էր ստացել, որ Դիլիջան-Գոշավանք ավտոճանապարհին տեղի է ունեցել ավտովթար: Դեպքի վայր էր մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ: 11 մարդ հոսպիտալացվել էր Դիլիջանի ԲԿ: Տուժածների թվում են մանկապարտեզներից մեկի աշխատակիցները:

Լրատվամիջոցների տարածած տեղեկությունների համաձայն`  «ՊԱԶ» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե սյուներին և, առաջ ընթանալով, հայտնվել  ձորակում:

Ըստ նախնական տեղեկության 8 հոգի հոսպիտալացվել է Դիլիջանի ԲԿ:

Պարզվել է, որ «ՊԱԶ» մակնիշի ավտոբուսը (վարորդ` Վ.Հ) դուրս է եկել ճանապարհի երթևեկելի հատվածից և բախվել էլեկտրական սյանը, ինչի հետևանքով վարորդը և ուղևորներ՝ Լ.Ե.-ը (ծնված 1989 թ.), Ա.Մ.-ը (ծնված 1994 թ.), Գ.Ս.-ը (ծնված 1957 թ.), Ս.Ա.-ը (ծնված 1997 թ.), Մ.Բ.-ը (ծնված 1961 թ.), Ա.Գ.-ը (ծնված 1981 թ.), Լ.Գ.-ը (ծնված 1967 թ.), Հ.Ե.-ը (ծնված 1971 թ.), Ս.Հ.-ը (ծնվծ 1989 թ.), Հ.Հ.-ը (ծնված 1960 թ.) և Գ.Ա.-ը (ծնված 1957 թ.), տեղափոխվել են Դիլիջանի ԲԿ:

Փրկարարները հոսանքազրկել են ավտոբուսը, փակել գազի բալոնի փականը և դուրս են բերել երթեկելի հատված

Հավանեցիք, տարածեք սոցցանցերում ...