ՊԵԿ նախագահը վարչապետին զեկուցել է քաղաքացու նամակը 120 միլիոն դոլարից իր փայի պահանջի մասին

- in Տնտեսական

Վարչապետ Նիկոլ Փաշինյանը Ֆեյսբուքի իր էջում գրել է. «ՊԵԿ նախագահ Դավիթ Անանյանը քիչ առաջ զեկուցեց.

Սույն թվականի օգոստոսի 9-ին ՀՀ ՊԵԿ նախագահին է դիմել ՀՀ քաղաքացի Վ.Մ.-ն հետևյալ խնդրանք-պահանջով.
«Կից ուղարկում եմ Վարչապետ Նիկոլ Փաշինյանի սոց. ցանցում գրված պոստից մի հատված. «Ընդհանուր առմամբ, առաջին կիսամյակում ունենք զբոսաշրջության 12,8 տոկոս աճ։ ԿԲ հաշվարկներով այս տարի նախորդ տարվա համեմատ, զբոսաշրջիկները Հայաստանում ծախսել են մոտ 120 մլն. դոլար ավել գումար, քան նախորդ տարի։ ՀՀ յուրաքանչյուր քաղաքացի կարող է այս գումարից իր բաժինը ունենալու հայտ ներկայացնել»:
Համաձայն վերոգրյալի, հայտ եմ ներկայացնում այդ գումարից իմ բաժինն ունենալու»։

Սիրում եմ մեր քաղաքացիներին. նրանք հնարամիտ են, ստեղծագործ եւ դուխով)»: