Ի՞նչ են քննարկում նախագահները. հայտնի են Պուտինի և Մակրոնի զրույցի մանրամասները

- in Միջազգային
dzerq

Ռուսաստանի նախագահ Վլադիմիր Պուտինը հեռախոսացրույց է ունեցել Ֆրանսիայի նախագահ Էմանուել Մակրոնի հետ։ Այս մասին հաղորդել են ՌԴ նախագահի մամլո ծառայությունից։

Հայտնի է դարձել, որ նախագահներն առաջին հերթին քննարկել են իրավիճակը Ուկրաինայում և, մասնավորապես, Մոսկվայի և Կիևի միջև գերիների փոխանակումը։ Մարդասիրական միջոցառումը նրանց կողմից դրականորեն է գնահատվել։

Պուտինն ու Մակրոնը քննարկել են նաև Դոնբասում իրավիճակի կայունացման հարցը։ Դրա համար Ռուսաստանի առաջնորդը կոչ է արել իր զրուցակցին ավելի ակտիվ պատրաստվել «նորմանդական ձևաչափով» գագաթնաժողովին։

Նա այս հարցի կարգավորման կարևոր պայման է նաև անվանել Ուկրաինայի կողմից պայմանավորվածությունների պահպանումը, որոնք ավելի վաղ են ձեռք բերվել։

Զրույցի ընթացքում նախագահները հայտարարել են նաև միջուկային գործարքը պահպանելու վերաբերյալ համատեղ ջանքերի մասին։