Հայաստան ապօրինի թմրամիջոց ներկրելու հերթական դեպքն է կանխվել, 28-ամյա կինը կալանավորված է․ (տեսանյութ)

- in Տեսանյութեր

Հայաստան ապօրինի թմրամիջոց ներկրելու հերթական դեպքը կանխվել է: Այս մասին տեղեկացնում է ՀՀ ոստիկանությունը:

Փետրվարի 14-ին քրեական ոստիկանության գլխավոր վարչության թմրամիջոցների անօրինական շրջանառության դեմ պայքարի վարչության ծառայողները, Ազգային անվտանգության ծառայության և ոստիկանության Մաշտոցի բաժնի ծառայողների հետ համատեղ, մաքսանենգ ճանապարհով Հայաստան թմրամիջոց ներկրելու, պահելու և օգտագործելու կասկածանքով, Շինարարների փողոցից ոստիկանության Մաշտոցի բաժին բերման են ենթարկել Երևանի 28-ամյա մի բնակչուհու:

Անձնական խուզարկությամբ նրա ձեռքի փոստային ծրարում հայտնաբերվել է չորացված կանաչավուն զանգված:

Համապատասխան միջոցառումների, նաև դատաքիմիական փորձաքննության արդյունքում պարզվել է, որ հայտնաբերված զանգվածը դիմէթիլտրիպտամին թմրամիջոց է, որը բերման ենթարկված կինը ձեռք էր բերել Լեհաստանում գործող ինտերնետային կայքերից մեկի միջոցով:

Փետրվարի 15-ին իրավապահները խուզարկությամբ նրա բնակարանից հայտնաբերել են 125 հատ «LSD» թմրամիջոց, չորացված, մանրացված կանաչավուն զանգված, 2 կաթուցիչ` մոխրացած զանգվածով:

Հետագա միջոցառումներով պարզվել է, որ 2019 թ. նոյեմբեր-դեկտեմբեր ամիսներին 28-ամյա կինը բջջային հավելվածի իր անձնական էջում տեղադրված հայտարարության միջոցով թմրամիջոցն իրացրել է Երևանում անհայտ անձանց:

Հանգամանքները պարզվում են: Բերման ենթարկված կինը կալանավորվել է:
Հարուցված քրեական գործի նախաքնությունը շարունակվում է:

Հավանեցիք, տարածեք սոցցանցերում ...

Facebook Comments