Հանրային հեռուստատեսությունը կազմակերպում է հերթական «Եվրատեսիլ» առևտուրը

- in Հասարակություն

ՀՀ վաստակավոր արտիստ, հայ երգիչ Մհեր Արմենիան (Մհեր Մեսրոպյան) վստահ է, որ 2020 թվականին ևս մեկ անգամ Հայաստանը Եվրատեսիլում ձախողվելու է: Նման գրառում է երգիչն արել ֆեյսբուքի իր էջում: 

Մհեր Արմենիան մասնավորապես գրել է. «Հանրային հեռուստատեսությունում հեղափոխություն այդպես էլ չեղավ… Հանրային հեռուստատեսությունը կազմակերպում է հերթական «Եվրատեսիլ» առևտուրը: Ինչու առևտուր, որովհետև ինչ այս հեռուստատեսության տնօրեն դարձավ Մարագարիտա Գրիգորյանը, կեղծվում է ամեն ինչ հանուն իրենց անձնական շահի։ Երբ ես մասնակցում էի դեպի Եվրատեսիլի նախագծին, հետագայում իմ ունեցած աղբյուրներից պարզեցի, որ sms քվեարկությամբ առաջին տեղում իրականում ո՛չ ես եմ եղել, ո՛չ էլ Սևակ Խանաղյանը, այլ Մարիամ անունով մի աղջիկ։ Դոլար Մարգոն, ով իր ապաշնորհ թիմով ձախողել է ու ձախողում է Եվրատեսիլը տարիներ շարունակ մխսելով պետական միջոցները, այսօր շարունակում է մնալ ու պաշտոնավարել, կազմակերպել հերթական առևտուրը դեպի Եվրատեսիլ նախագծի շնորհիվ, որին այսօր Հ1-ի ուղիղ եթերում ականատես կլինենք բոլորս: Կասկած չունեմ, որ կընտրվի արդեն իսկ նախապես որոշված մասնակիցը, և 2020 թվականին ևս մեկ անգամ Հայաստանը կձախողի եվրատեսիլում: Զարմանում եմ, որ կան դեռ ստեղծագործող երիտասարդներ, ովքեր հավատացել են և դիմել նախընտրական փուլին մասնակցության և փափագում են, որ հաղթանակելու է արդարությունը»:

Հավանեցիք, տարածեք սոցցանցերում ...

Facebook Comments