Արայիկ Հարությունյանը հորդորում է սոցցանցերում զանգվածաբար տարածել ներկայացված տեղեկատվությունը

Սիրելի աշակերտներ, ուսանողներ և ուսուցիչներ, քանի որ սոցցանցերում դուք ամենամեծ համայնքն եք ու հզոր ուժ եք ներկայացնում, կարող եք մեծ գործ արած լինել` տեղեկատվություն տարածելու հարցում: Այս մասին գրել է ՀՀ ԿԳՄՍ նախարար Արայիկ Հարությունյանը։

«✅ Ստորև բերված տեղեկությունն անհրաժեշտ է զանգածաբար տարածել ձեր էջերում` հասցնելով Հայաստանի յուրաքանչյուր քաղաքացու: Կանխավ շնորհակալություն…

‼️Ինչպես պետք է ինքնամեկուսանալ

Նոր տիպի կորոնավիրուսի (COVID-19) վարակի լայն տարածում ունեցող երկրներից վերադարձող ՀՀ քաղաքացիները, կախված ժամանման երկրից/երկրներից պետք է ենթարկվեն 14-օրյա ինքնամեկուսացման, եթե որոշում չի կայացվել գտնվել հատուկ կարանտինի վայրում:

Հետևե՛ք հետևյալ ցուցումներին`

Մնացե՛ք տանը

Մեկուսացվե՛ք տան մյուս անդամներից

Զանգահարե՛ք բժշկին՝ նախքան նրան այցելելը

Կրե՛ք բժշկական դիմակ, եթե ցուցված է

Փակե՛ք բերանը և քիթը՝ փռշտալիս և հազալիս

Հաճախակի լվացե՛ք ձեռքերը

Առանձնացրե՛ք տնային պարագաները

Հյուրեր մի՛ ընդունեք

Լվացքի համար ապահովեք ջրի հնարավորինս բարձր ջերմաստիճան

Հերմետիկ փակեք աղբամանը

Հետևե՛ք ախտանշանների զարգացմանը

‼️Եթե 14 օր մեկուսացման ընթացքում նկատվում է ախտանշանների զարգացում/ վատթարացում կամ նոր ախտանշաններ, ապա զանգահարեք 060838300 հեռախոսահամարին»,- գրել է նա:

Հավանեցիք, տարածեք սոցցանցերում ...

Facebook Comments