ՀՀ Ազգային ժողովի անկախ պատգամավոր Արման Բաբաջանյանի կողմից ներկայացված հանցագործության մասին հաղորդման ուսումնասիրության արդյունքում Հատուկ քննչական ծառայությունը որոշում է կայացրել քրեական գործ հարուցել Հաշվեքննիչ պալատի առանձին պաշտոնատար անձանց նկատմամբ ՀՀ քրեական օրենսգրքի 308-րդ հոդվածի առաջին մասի հատկանիշներով՝ պաշտոնեական լիազորությունները չարաշահելու դեպքի առթիվ։

Հիշեցնենք, որ վերջերս Ազգային ժողովում Արման Բաբաջանյանն իր ելույթում խոսել էր Հաշվեքննիչ պալատի անգործության մասին, ինչպես նաև 25 միլիոն դոլար չինական վարկի ծախսման մասին։ Բաբաջանյանը ավելի վաղ հարցումներ էր ուղարկել Հաշվեքննիչ պալատին՝ խնդրելով տեղեկացնել, թե այդ գործարքներում, ինչպես նաև վարկի օգտագործման պրոցեսսում ի՞նչ խախտումներ են հայտնաբերվել, սակայն Հաշվեքննիչ պալատից պատասխանել էին, որ իրենք չեն եկել հետևության, որ այդ պորցեսում հանցակազմ է եղել, հետևաբար նյութերը գլխավոր դատախազություն չեն ուղարկվել։

Սակայն Բաբաջանյանի կողմից ներկայացված հանցագործության մասին հաղորդման առթիվ նախապատրաստված նյութերով տվյալներ են ձեռք բերվել այն մասին, որ ՀՀ Հաշվեքննիչ պալատի աշխատակիցներն իրենց լիազորութոյւնների շրջանակում ՀՀ պետական եկամուտների կոմիտեում իրականացրել են 2017 թվականի դրամական մուտքի ֆինանսատնտեսական ստուգում, որի արդյունքների մասին կազմվել են տեղեկանքներ։ Այդ տեղեկանքները ներկայացվել են վերադաս պաշտոնատար անձանց տարեկան հաշվետվություն ներառելու, իսկ քրեաիրավական բնույթի խախտումներ հայտնաբերելու դեպքում գլխավոր դատախազություն ուղարկելու նպատակով։ Սակայն ՀՀ հաշվեքննիչ պալատի նախագահը, խորհրդի անդամները, ինչպես նաև այլ վերադաս պաշտոնատար անձինք տեղեկացված լինելով, որ ստուգման ընթացքում առնվազն Չինաստանի արտահանման, ներմուծման բանկի կողմից ՀՀ մաքսային զննման տեխնոլոգիաների և սարքավորումների արդիանականցման ՌԴ-ի կողմից մաքսային մարմինենրի տեղեկատվական համակարգերի ներդրման աշխատանքների նպատակով տրամադրված վարկերի, դրամաշնորհների և համավարկավորումների մասով հայտնաբերվել են էական նշանակություն ունեցող և ակնհայտ առերևույթ քրեաիրավական բնույթի խախտումներ պարունակող տեղեկություններ։

Նյութերի նախապատրաստման փուլում պարզվել է, որ անձնական այլ շահագրգռությունից և խմբային շահերից ելնելով դիտավորութամբ չեն կատարել իրենց ծառայողական պարտականությունները։ 2018 թվականին ՀՀ Հաշվեքննիչ պալատի պաշտոնական կայքում հրապարակված 2017 թվաանի տարեկան հաշվետվությունում այդ ստուգումների արդյունքները ներառվել են քիչ ծավալով, ոչ ամբողջական ծավալով։ Ինչպես նաև առևրևույթ հանցագործության հատկանիշ պարունակով նյութերը սահմանված ժամկետում Գլխավոր դատախազություն ուղարկելու ամսին որոշում չի կայացվել։ Այդ պաշտոնատար անձանց գործողությունների արդյուքնում էական վնաս է պատճառվել պետության օրինական շահերին, հեղինակազրկվել է Հաշվեքննիչ պալատը, իսկ գլխավոր դատախազությունը զրկվել է քրեադատավարական պատշաճ ընթացակարգով հիշյալ խախտումները ստուգելու հնարավորությունից։

Գործը քննվելու է ՀՔԾ կոռուպցիոն, կազմակերպված և պաշտոնեական հանցագործությունների քննության վարչությունում։