exxv

Գողերը օգտվել են Եվրախորհրդարանի անդամների բացակայությունից, որոնք Բրյուսելից հեռու էին գտնվում կորոնավիրուսի համավարակի պատճառով, և թալանել են շենքը, գրում է Politico- ն:

Ինչպես գրում է պարբերականը, Եվրախորհրդարանի առնվազն 50 անդամներից գողացել են համակարգիչներ, պլանշետներ և այլ իրեր, երբ նրանք աշխատավայրում չեն եղել: Կողոպուտի ընթացքում շենքը դատարկ է եղել:

Գերմանացի պատգամավոր Նիկո Սեմսրոթը, ում երկու նոութբուքն են գողացել, միջադեպը մեծ սկանդալ է անվանել, որը փորձում են կոծկել:

«Մենք գրեթե համոզված ենք, որ նրանք [կողոպտիչները] քրքրել են մեր բոլոր իրերը, քանի որ տեղի ունեցածը բավական կեղտոտ էր երևում», – ասել է Սեմսրոթը:

Եվրախորհրդարանի ներկայացուցիչը հայտարարել է, որ գողությունների մասին իրենց տեղեկացրել են ապրիլին, ինչից հետո ուժեղացվել է անվտանգությունը, որը վերահսկում էր գրասենյակները: