Aleksey Navaniy

Ռուսաստանի ընդդիմադիր քաղաքական գործիչ Ալեքսեյ Նավալնին կրկին քննադատել է գեղասահորդ Եվգենի Պլյուշչենկոյի մասնակցությունը քարոզարշավին: Նա հայտարարել է, որ մարզիկն առևտուր է անում «ամբողջ երկրի ապագայի» և իր որդու համար:

Խոսքը վերաբերում է հունիսի 15-ին Պլյուշչենկոյի Instagram-ի էջում հրապարակված տեսանյութին, որում մարզիկի կինը որդուն պատմում է Ռուսաստանի Դաշնության Սահմանադրության մասին: Տեսագրության մեջ գեղասահորդը կոչ է արել մասնակցել հուլիսի 1-ի քվեարկությանը:

Ըստ Նավալնու՝ Պլյուշչենկոյին տեսանյութի համար վճարել են «բյուջեից գողացված փողերով»: «Հասարակայնության հետ կապերի այդ գրասենյակը ձեզ կանխիկ գումար է վճարել այս ստահոդ, զզվելի աղբը տարածելու և հրապարակելու համար,- նշել է Նավալնին: «Դուք ոչ միայն շահարկում եք ամբողջ երկրի, այլև ձեր դժբախտ երեխայի ապագան»,- ավելացրել է քաղաքական գործիչը:

Ի դեպ, հունիսի 14-ին՝ տեսանյութի հրապարակումից մեկ օր առաջ, Ռուսաստանի Սպորտի նախարարությունը հայտարարել էր, որ Եվգենի Պլյուշչենկոն նշանակվել է Ռուսաստանի գեղասահքի ազգային հավաքականի մարզիչ:

Արևելյան տիեզերակայանի շինարարությունում շարունակվող յուրացումների մասին նախագահ Վլադիմիր Պուտինի վերջերս արված հայտարարության կապակցությամբ երկրի հակակոռուպցիոն հիմնադրամը հրապարակել է հետաքննության տվյալները «Ռոսկոսմոսի» ղեկավար Դմիտրի Ռոգոզինի ունեցվածքի մասին, որը նա ձեռք է բերել այդ պաշտոնում աշխատելիս: Հետաքննության տեքստային տարբերակը տեղադրված է ընդդիմադիր գործիր Ալեքսեյ Նավալնիի բլոգում:

Ընդդիմադիր գործիչը, հիմք ընդունելով պաշտոնյայի հայտարարագիրը, հայտնում է, որ 2018-ին Ռոգոզինը վաստակել է 29,5 մլն ռուբլի, որից 23,5 միլիոնը ստացել է «Ռոսկոսմոսում» աշխատելիս: Համեմատության համար Նավալնին նշել է NASA-ի ղեկավարի աշխատավարձի մասին տվյալները: Այն տարեկան կազմում է մոտավորապես 16 մլն ռուբլի: Ռոգոզինի կինը 2018-ին վաստակել է 3,3 մլն ռուբլի:

«Շարքային ինժեներների վիճակը ճիշտ հակառակն է. NASA-ի ինժեները տարեկան ստանում է միջինը 82 հազար դոլար, այսինքն՝ ամսական 430 հազար ռուբլի, իսկ «Ռոսկոսմոսի» ինժեները՝ ամսական 60 հազար ռուբլի»,- հավելել է Նավալնին: