• Thu. Jan 28th, 2021

Մաշտոցի պողոտայում տաքսու վարորդը դանակահարել է 33-ամյա մի տղամարդու (տեսանյութ)

Նոյեմբերի 28-ին՝ ժամը 17:50-ին, բժշկական կենտրոնից ոստիկանության Կենտրոնական բաժին ահազանգ է ստացվել, որ ծակած-թափանցող վերքերով բուժօգնության է տեղափոխվել 33-ամյա մի տղամարդ։

Ոստիկանների ձեռնարկած միջոցառումներով պարզվել է, որ Մաշտոցի պողոտայում տղամարդուն նույն օրը դանակահարել է մի տաքսու վարորդ։

Ճշտվել է կասկածյալի ինքնությունը։ Նրան հայտնաբերելու համար իրավապահները ձեռնարկել են օպերատիվ-հետախուզական ու բացատրական աշխատանքներ։ Եվ նույն օրը Երևանի 28-ամյա բնակիչը ներկայացել է ոստիկանություն ու խոստովանել, որ ինքն է դանակով մարմնական վնասվածք պատճառել տղամարդուն։

Նշանակվել են փորձաքննություններ։

Ոստիկանությունը նշում է, որ ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ։

Նախապատրաստվում են նյութեր։

Spread the love
  •  
  •  
  •  
  •  
  • 1
  •  
  •  
  •  
  •  
  •  
  •  
  • 1
  •