• Thu. Jan 28th, 2021

Լավրովի եւ ՌԴ դեսպանատան հայտարարությունից հետո մտավորականները դադարեցրին իրենց ամոթալի երթերը

ՌԴ ԱԳ նախարար Սերգեյ Լավրովը հայտարարել է, որ Ռուսաստանը Լեռնային Ղարաբաղի հակամարտության մասնակիցների կողմից զոհվածների մարմինների եւ ռազմագերիների փոխանակման միտումնավոր ձգձգման գործողություններ չի նկատում: Նա ասել է, որ կան օբյեկտիվ դժվարություններ, որոնք կապված են ռազմագործողությունների ռելիեֆի, ցուցակների եւ այլնի հետ:

Դրանից հետո Երեւանում ՌԴ դեսպանատունը հայտարարեց, որ գերիների ու անհայտ կորածների խնդիրը գտնվում է Ռուսաստանի բարձրագույն ղեկավարության ուշադրության կենտրոնում, եւ նրանց հարազատներին ուղղորդեց ՀՀ ՊՆ: Իսկ Բաքուն էլ հայտարարեց, որ կողմ է գերիների փոխանակմանը բոլորը բոլորի հետ սկզբունքով:

Նոյեմբերի 9-ից հետո իրադարձությունները եւ այս հայտարարությունները վկայում են, որ ինչպես սահմանների «դեմարկացիայի», այնպես էլ զոհվածների, անհայտ կորածների եւ գերիների վերադարձի հարցը ռուս-թուրքական տիրույթում է: Այն պետք էր ձգձգել, Ռուսաստանի եւ անձամբ Պուտինի միջամտության անայլընտրանքության գաղափարն արմատավորելու համար: Ռուսաստանը պետք է հանդես գա փրկչի դերում բոլոր պարագաներում, տվյալ դեպքում զոհվածների, անհայտ կորածների եւ գերիների հարազատների զգացմունքներն ու արդարացի պահանջները դրան ծառայեցնելու փորձերով, հայաստանցի մտավորականների ու մոսկվացի ԿՎՆ-ի խեղկատակների՝ բեսսմերտնի պոլկի ներմուծումով:

Լավրովի եւ ՌԴ դեսպանատան հայտարարությունից հետո մտավորականները դադարեցրին իրենց ամոթալի երթերը: Չնայած երթերի ժամանակ հավաքվածների միջից ակնհայտ ուղղորդված հարցազրույցներին, հնչում էին նաեւ սթափ, ինքնաբուխ հայտարարություններ: Հայ ինքնության կոդի, զոհերի հանգամանքը «զրոյացնելու» փորձերը հակառակ արդյունք էլ ունեն, եւ երեւի դրա համար է Լավրովը հերքում միտումնավոր ձգձգելը եւ արդարանում օբյեկտիվ դժվարություններով:

Մոսկվան փրկչի իր դերի ձգտումներում, լիովին ստանձնեց նաեւ այս հարցի ձգձգման պատասխանատվությունը:

Spread the love
  •  
  •  
  •  
  •  
  • 1
  •  
  •  
  •  
  •  
  •  
  •  
  • 1
  •