• Fri. Mar 5th, 2021

Սերժ Սարգսյանի գլխավոր խորհրդականը եղել է երկրի «գլխավոր սորոսականը». բացահայտում

Byhttp://Mitk.am

Jan 23, 2021

«Ժողովուրդ» թերթը գրում է. ««Դուք աշխատել եք «Բաց հասարակության հիմնադրամներ»-ում: Քանիցս հնչել են որակումներ, որ Սորոսի հիմնադրամը գործել է ՀՀ-ի դեմ։ Կուզենայի՝ հստակ ասեիք՝ գործելու եք հանո՞ւն ՀՀ-ի, թե՞ ընդդեմ»:

ԱԺ արտահերթ նիստում ԲԴԽ անդամի թեկնածու Դավիթ Խաչատուրյանին հարց ուղղեց ԱԺ անկախ պատգամավոր Թագուհի Թովմասյանը։ «Իհարկե, ես գործելու եմ բացառապես հանուն Հայաստանի։ Բայց ասածս չի նշանակում, թե ես որպես իրողություն եմ ընդունում այն, որ հիմնադրամն այլ գործունեություն է իրականացրել։ Դուք էլ ասացիք, որ խոսակցություններ են դրանք։

Բնականաբար, դրանց ուժգնությունն ինձ չի կաշկանդում, խոսակցությունները չեն ազդում իմ նվիրվածության վրա։ Քանի դեռ խոսակցությունները փաստեր չեն, չէի ուզենա արձագանքել»,-պատասխանեց Դավիթ Խաչատուրյանը, ապա մի ուշագրավ հայտարարությամբ հանդես եկավ:

«Եթե դա համարվում է բացասական բան, օրինակ, ասեմ՝ իմ գործընկեր Հրայր Ղուկասյանը, որը չորս տարի հիմնադրամի տնօրենների խորհրդի անդամ էր, նաև՝ նախագահ, նշանակվել էր Սերժ Սարգսյանի իրավական հարցերով օգնական, ու որևէ մեկի մոտ հարց չառաջացավ», – նշեց նա:

Իսկ ո՞վ է Հրայր Ղուկասյանը. նա, բացի Սերժ Սարգսյանի օգնականը լինելուց, եղել է նրա ռեֆերենտը։ Ղուկասյանի հայրը՝ Հովհաննես Ղուկասյանը, մինչև Հայաստանի անկախացումը դատավոր է եղել, իսկ 90-ականներին եղել է Հայաստանի գերագույն դատարանի դատավոր, 1999-ից էլ մինչև 2012 թվականը, այսինքն՝ մինչև թոշակի գնալը, եղել է ՀՀ վճռաբեկ դատարանի դատավոր:

Ստացվում է՝ Սերժ Սարգսյանի գլխավոր խորհրդականը եղել է երկրի «գլխավոր սորոսականը»։ Ու հիմա առնվազն տարօրինակ է, որ նրա քաղաքական թիմի անդամները քննադատում են գործող իշխանությանը սորոսականներին պաշտոններ տալու համար»։