• Fri. Apr 23rd, 2021

Ժողովրդի կամքի «գնդակահարումը» պետք է լինի անցյալում

2008 թվականի մարտի մեկի ողբերգությունից տասը տարի անց՝ Հայաստանում ժողովրդի անմիջական մասնակցությամբ տեղի ունեցած հեղափոխությունից հետո, առաջին անգամ ունեցանք այնպիսի արտահերթ խորհրդարանական ընտրություններ, որոնք միջազգային և տեղական դիտորդական կազմակերպությունների կողմից գնահատվեցին իրապես ազատ, արդար, թափանցիկ և ժողովրդավարական:

Այս մասին ֆեյսբուքյան իր էջում գրել է ՀՀ արդարադատության նախարար Ռուստամ Բադասյանը՝ շարունակելով.

Սա արժեք է, որը մեր ժողովուրդը ձեռք է բերել բազում փորձությունների միջով անցնելով։

Հայաստանի Հանրապետությունն այսօր, այո՛, ժողովրդավարական պետություն է, այստեղ իշխանությունը ձևավորում է ու ձևավորվելու է բացառապես ընտրությունների միջոցով։

Ժողովրդի կամքի «գնդակահարումը» պետք է լինի անցյալում, և Հայաստանի Հանրապետության քաղաքացիներն այլևս երբեք չեն զիջելու իրենց իշխանությունը։