• Fri. Apr 23rd, 2021

Զելենսկին հայտարարել է Դոնբասում 10 ուկրաինացի զինվորականների մահվան մասին

Byhttp://Mitk.am

Apr 6, 2021

Ուկրաինայի նախագահ Վլադիմիր Զելենսկին հայտարարել է, որ մարտի 26-ից ի վեր Դոնբասում սպանվել է 10 ուկրաինացի զինծառայող: Ըստ նրա մամուլի ծառայության՝ այս հայտարարությունն արվել է Կանադայի վարչապետ Ջասթին Թրյուդոյի հետ հեռախոսազրույցի ընթացքում:

Զելենսկին Թրյուդոյին ասել է նաև, որ զինադադարի ընթացքում՝ 2020 թվականի հուլիսի վերջից ի վեր, տարածաշրջանում զոհվել են Ուկրաինայի զինված ուժերի 28 զինծառայողներ, իսկ այս տարի՝ 23 զինծառայող:

Նշվում է, որ Ուկրաինայի նախագահը շնորհակալություն է հայտնել Կանադայի վարչապետին համագործակցության համար և առաջարկել է մտածել իր երկրում կանադացի ռազմական հրահանգիչների թվի ավելացման մասին: