19/10/2021

News and Analitics

Ռուսաստանում մեկնարկել Է Պետդումայի պատգամավորների ընտրությունների քվեարկության եզրափակիչ օրը

Ռուսաստանի Դաշնության ութերորդ գումարման Դաշնային ժողովի Պետական դումայի ընտրությունները անցկացվում են նաև Հայաստանում։ Լրագրողների հետ զրույցում ՌԴ դեսպան Սերգեյ Կոպիրկինը նշել է, որ, ընդհանուր առմամբ. Հայաստանում ստեղծվել է 6 ընտրատեղամաս՝ ՌԴ դեսպանատանը, «Էրեբունի» օդանավակայանում և Գյումրիում, որից մեկը՝ ՌԴ գլխավոր հյուպատոսարանում և երեքը՝ ռուսական 102-րդ ռազմական բազայում։

«Քվեարկությունը բնականոն ընթանում է։ Ռուսաստանի օրենսդրության համապատասխան ձեռնարկվել են բոլոր անհրաժեշտ միջոցները ՌԴ քաղաքացիների ազատ կամարտահայտությունը ապահովելու համար»,- «Արմենպրես»-ի հաղորդմամբ՝ ասել է ՌԴ դեսպանը։

Կոպիրկինը քաղաքացիների ակտիվությունը նորմալ է գնահատում։ Ըստ դիվանագետի՝ ՌԴ դեսպանատան ընտրատեղամասում շուրջ 300 քաղաքացի արդեն իսկ քվեարկել է։

ՌԴ դեսպանի խոսքով՝ Երևանում և Գյումրիյում հաշվառված են շուրջ 20 հազար ՌԴ քաղաքացի, սակայն յուրաքանչյուր ոք, ով ունի ՌԴ անձնագիր կարող է գալ և մասնակցել քվեարկությանը։

Ութերորդ գումարման Պետդումայի պատգամավորների ընտրությունների քվեարկության երրորդ եզրափակիչ օրը ՌԴ սուբյեկտների մեծ մասում սկսվել է կիրակի: Ընտրական տեղամասերը բացվել են տեղական ժամանակով ժամը 08:00-ին յուրաքանչյուր տարածաշրջանում, ընդ որում, Կամչատկայի երկրամասում եւ Չուկոտսկի ինքնավար օկրուգում ընտրատեղամասերը կրկին բացվել են ընտրողների համար տեղական ժամանակով ժամը 08:00-ին (Մոսկվայի ժամանակով շաբաթ օրը՝ ժամը 23:00-ին):

Պետդումայի պատգամավորների ընտրություններին մասնակցում է 14 կուսակցություն’ Կոմունիստական կուսակցությունը, «Կանաչները», ՌԼԴԿ-ն, «Նոր մարդիկ», «Եդինայա Ռոսիան», «Արդար Ռուսաստան – Հայրենասերներ – Հանուն ճշմարտության», «Յաբլոկո», Աճի կուսակցություն, «Ռուսաստանի ազատության և արդարության կուսակցությունը, «Ռուսաստանի կոմունիստները», «Քաղաքացիական պլատֆորմը», «Կանաչ այլընտրանքը”, «Հայրենիքը» և Թոշակառուների կուսակցությունը:

Կուսակցական ցուցակներով առաջադրվել է 3 հազար 812 թեկնածու, իսկ միամանդատ ընտրատարածքներում՝ 2 հազար 20 մարդ, այդ թվում՝ 10 ինքնաառաջադրված: «Եդինայա Ռոսիա»- ունի ամենամեծաքանակ ցուցակը (393 մարդ), իսկ ամենափոքրը՝ «Նոր մարդիկ» (195)։ Իր հերթին, միամանդատ թեկնածուներն ամենաշատն են ՌԼԴԿ-ի (224), ամենից քիչը՝ «Կանաչ այլընտրանք»-ի ցուցակներում (27)։

Ընդհանուր առմամբ, քվեարկության միասնական օրը նշանակված է ՌԴ-ի բոլոր 85 սուբյեկտներում տարբեր մակարդակի ավելի քան 4,4 հազար ընտրարշավ, կփոխարինվի ավելի քան 31 հազար մանդատ: Բացի Պետդումայի ընտրություններից, երկրի 46 սուբյեկտներում տեղի են ունենում տարածաշրջանային ընտրություններ: Այսպես, ինը տարածաշրջաններում անցկացվում են բարձրագույն պաշտոնատար անձանց ընտրություններ, իշխանության օրենսդիր մարմինների պատգամավորների ընտրություններ՝ 39-ում, եւս երկու սուբյեկտներում (Կարաչաեւո-Չերկեսիա եւ Հյուսիսային Օսիա) սուբյեկտների ղեկավարներն ընտրվում են օրենսդիր մարմնի պատգամավորների կողմից ՝ նախագահի ներկայացմամբ: Դաղստանի խորհրդարանը հանրապետության ղեկավարին կընտրի հոկտեմբերի 14-ին: Բացի այդ, ամբողջ Ռուսաստանում բնակիչներն ընտրում են քաղաքային եւ մունիցիպալ պատգամավորներին։

Ամբողջ երկրում քվեարկության տեղամասերն ընտրողների ընդունումը կավարտեն սեպտեմբերի 19-ի ժամը 20:00-ին, որից հետո կսկսվի ձայների հաշվարկը: Պաշտոնապես ողջ երկրի համար քվեարկությունը կավարտվի Մոսկվայի ժամանակով 21:00-ին, երբ կփակվեն Կալինինգրադի ընտրատեղամասերը: Ընդհանուր առմամբ Ռուսաստանում բացվել է 96 հազար ընտրատեղամաս, իսկ արտասահմանում ՝ 348 տեղամաս 144 երկրներում։

Ամբողջ երկրում ընտրատեղամասերը բացվել են սեպտեմբերի 17-ին տեղական ժամանակով ժամը 08:00-ին: Միաժամանակ գործարկվել է հեռավար էլեկտրոնային քվեարկության համակարգը, որին կարող են մասնակցել ավելի քան 2,6 մլն մարդ ՌԴ յոթ սուբյեկտներում՝ Մոսկվայում, Սեւաստոպոլում, Կուրսկում, Մուրմանսկում, Նիժնի Նովգորոդում, Ռոստովի եւ Յարոսլավլի մարզերում:

ՏԱՍՍ-ի տեղեկատվության համաձայն ՝ Ռուսաստանում ընդհանուր մասնակցությունը կազմել է 31,51 տոկոս Մոսկվայի ժամանակով 20:00-ի դրությամբ (առանց հեռավար էլեկտրոնային քվեարկության):