19/10/2021

News and Analitics

Ինչ է ասում Սամվել Կարապետյանը

Կցանկանայի, որպեսզի Հայաստանում 3 պաշտոնական լեզու լիներ։ Այս մասին Armenian Business Forum-ի ժամանակ ասել է Տաշիր ընկերությունների խմբի հիմնադիր եւ նախագահ Սամվել Կարապետյանը։ Նրա խոսքով՝ այդ լեզուներն են հայերենը, ռուսերենը եւ անգլերենը։ «Սակայն այդ որոշումը կախված է ՀՀ կառավարությունից», ասել է նա։

Մոսկվան կոնկրետ քայլեր է անում Հայաստանում ռուսերենի կարգավիճակի ուղղությամբ։ Վերջերս Ռոսսոտրուդնիչեստվոն ռուսերենի կուրսեր է սկսել Սյունիքի մարզի իրավապահների եւ այլ խավերի շրջանում, «խաղաղապահների հետ շփումը դյուրացնելու» համար։ Սա Սյունիքի «օտարման» ծրագրի եւ ոչ կանոնավոր պատերազմի տարր է։

Այս ֆոնին, ամենահարուստ հայի առաջարկը մի կողմից կարող է ընկալվել որպես ռուսերենը անգլերենի տակ «սղղացնելու», մյուս կողմից՝ «դիվերսիֆիկացնելու» փորձ։

Ինչ վերաբերում է լեզուների հարցին, կարելի է պարզապես ուժեղացնել դրանց ուսուցումը դպրոցներում ու բուհերում։ Այլ հարց է, որ եթե Ռուսաստանի էթնիկ ռուսներով բնակեցված տարածքի մի մասը հետագայում միացվի Հայաստանին, նմանապես անգլախոս որեւէ երկիր նույնպես մտնի ՀՀ կազմի մեջ, այդ պարագային կարելի է մտածել այդ լեզուներին պաշտոնական կարգավիճակ տալու մասին։

«Տաշիր»- ընկերության խնդիրն է ապահովել կայուն և անվտանգ ապագա Արցախի համար։ «Արմենպրես»-ի հաղորդմամբ՝ այս մասին Երևանում Armenia Business Forum-ի բացման իր խոսքում նշեց «Հայ գործարարների ասոցիացիա»-ի նախագահ, «Տաշիր» ընկերությունների խմբի նախագահ Սամվել Կարապետյանը՝ ներկայացնելով «Տաշիր» ընկերությունների խմբի առաջիկա հինգ տարվա ծրագրերը։

«Հայաստանը հնարավոր չէ պատկերացնել առանց Արցախի։ Մենք միշտ հատուկ ուշադրություն ենք ունեցել Արցախի ժողովրդի նկատմամբ։ Այդպես կշարունակենք նաև ապագայում։ Արցախի Հանրապետության տնտեսության զարգացման և Արցախի ժողովրդի բարեկեցությանն ուղղված ծրագրերի իրականացման համար կհատկացնենք մոտ 50 միլիոն դոլար»,- ասաց Կարապետյանը։

Հայ գործարարը հույս ունի, որ մոտ ապագայում կլինեն նոր ծրագրեր ու նախաձեռնություններ բիզնեսի կողմից։

«Համոզված եմ, որ մեր ձեռքերում է նոր հնարավորություններ ստեղծելը, որոնք Հայաստանն ուժեղ երկիր կդարձնեն, ու կապացուցենք ողջ աշխարհին, որ մենք քիչ ենք, սակայն մեզ հայ են ասում»,- եզրափակեց Կարապետյանը։

«Տաշիր» ընկերությունը արտադրական հզորությունները, տուրիզմը զարգացնելու, նաև երիտասարդական գործարարությունը խթանելու համար նախատեսում է 130 միլիոն դոլարի ներդրում անել։ Այս մասին Երևանում Armenia Business Forum-ի բացման իր խոսքում նշեց «Հայ գործարարների ասոցիացիա»-ի նախագահ, «Տաշիր» ընկերությունների խմբի նախագահ Սամվել Կարապետյանը՝ ներկայացնելով «Տաշիր» ընկերությունների խմբի առաջիկա հինգ տարվա ծրագրերը։

«Տնտեսության զարգացումն անհնար է առանց արտադրական հզորությունների զարգացման, այդ թվում՝ առանց այդ ոլորտում նոր ինովացիոն լուծումների կիրառման։ Նոր հզորությունների զարգացումը ամբողջ տնտեսության շարժիչ ուժն է։ Այն մեծացնում է արտահանման պոտենցիալը, երկրի բնակչությանը ապահովում է աշխատատեղերով։ Այս նպատակի համար հատկացվելու է 50 միլիոն դոլար»,- ասաց Կարապետյանը։

Ըստ հայ գործարարի՝ «Տաշիր» ընկերության համար երկրորդ կարևոր ուղղությունը տուրիզմի ոլորտն է։

«Տուրիզմի  ոլորտը մեծ ուշադրություն է պահանջում։ Հայաստանը յուրահատուկ տուրիզմի երկիր է, զարգացման մեծ պոտենցիալ ունի։ Այդ նպատակների համար կհատկացնենք մոտ 50 միլիոն դոլար»,- նշեց Կարապետյանը։

Հաջորդը, ըստ Կարապետյանի, երիտասարդական գործարարության խթանումն է։

«Կարևոր է չանտեսել նաև երիտասարդ սերնդի նախաձեռնություններին աջակցությունը։ Այդ ծրագրերին կտրամադրենք մոտ 30 միլիոն դոլար»,-եզրափակեց Կարապետյանը։

Էներգետիկան ցանկացած երկրի տնտեսության կայուն գործունեության հիմքն է և Հայաստանի դեպքում սա կրկնակի կարևոր է։ Այս մասին Երևանում Armenia Business Forum-ի բացման իր խոսքում նշեց «Հայ գործարարների ասոցիացիա»-ի նախագահ, «Տաշիր» ընկերությունների խմբի նախագահ Սամվել Կարապետյանը՝ ներկայացնելով «Տաշիր» ընկերությունների խմբի առաջիկա հինգ տարվա ծրագրերը։

«էներգետիկ անվտանգության ապահովման, այդ թվում՝ նոր արտադրական հզորությունների ստեղծման և էլեկտրական ցանցերի արդիականացման համար մենք պլանավորում ենք ներդնել մինչև 600 միլիոն դոլար»,- ասաց Կարապետյանը։

Հայ գործարարը կոչ է անում համախմբել ջանքերը Հայաստանի շուրջ։

«Հայերը իսկական պոտենցիալ ունեցող ժողովուրդ են, և մեր խնդիրն է՝ համախմբել մեր ռեսուրսները կայուն ապագայի համար»,- եզրափակեց Կարապետյանը։