Մարտի 31-ի Սուրբ Զատկի՝ Հիսուս Քրիստոսի հրաշափառ Հարության տոնին ընդառաջ ՀՀ սննդամթերքի անվտանգության տեսչական մարմինը մարտի 20-ից վերահսկողական միջոցառումներ կանցկացնի ձվի արտադրությամբ զբաղվող կազմակերպություններում և իրացման շուկայում՝ առկա ռիսկերը գնահատելու և ոչ պատշաճ որակի ձվի մատակարարումը բացառելու նպատակով:
Վերահսկողության արդյունքները կամփոփվեն և կհրապարակվեն:
Սննդամթերքի անվտանգության տեսչական մարմնից կոչ է արվում բոլոր սպառողներին՝ իրացման ցանցում կասկածելի թարմությամբ ձու կամ այլ խախտումներ (մակնշման անհամապատասխանություն, սառնարանային ոչ պատշաճ պայմաններ, սանիտարահիգիենիկ խախտումներ և այլն) նկատելու դեպքում զանգահարել ՍԱՏՄ թեժ գծին՝ 118 անվճար հեռախոսահամարով կամ գրել «Ֆեյսբուք» սոցիալական ցանցի էջին:
Բաց մի թողեք
Արտառոց դեպք՝ Արագածոտնում, հայտնաբերվել է կեղծ օղիների և կոնյակների շշալցման և իրացման դեպք․ Լուսանկար
«ԱՄՆ-ի մրցակցությունը նպատակ ունի ենթարկել», «Մեզ անհրաժեշտ են ավելի շատ չինական ներդրումներ Եվրոպայում»․ Մակրոն
Մոտ ապագայում Իրանը և Միացյալ Նահանգները սկզբունքային համաձայնության կգան