Կառավարության դեկտեմբերի 11-ի նիստում ընդունվել է որոշում, որով գերակա ոլորտում ներդրում իրականացնող «ԱԼԵՔՍ ՏԵՔՍՏԻԼ» սահմանափակ պատասխանատվությամբ ընկերությունը, որը պատկանում է գործարար Սամվել Ալեքսանյանի ընտանիքին, ազատվել է ներմուծվող հումքի մաքսատուրքերից։
Ընկերությունը նախատեսում է ներմուծել հումք, որը կօգտագործվի հագուստի արտադրության մեջ։ Արտադրական գործընթացը տեղի կունենա Երևանում։ «ԱԼԵՔՍ ՏԵՔՍՏԻԼ»-ը գործում է 2014 թվականից և շարունակում է ընդլայնել իր գործունեությունը։
Ներդրումային ծրագրի նպատակով նախատեսվում է մոտ 1,3 միլիարդ դրամի ներդրում՝ անհրաժեշտ հումքն ապահովելու համար։ Նախագծի շրջանակում մինչև 2026 թվականը ընկերությունը ծրագրում է բացել 50 նոր աշխատատեղ՝ մոտ 153 հազար դրամ միջին ամսական աշխատավարձով։
Ներկայացված ապրանքների ընդհանուր արժեքը կազմում է 1,3 միլիարդ դրամ, իսկ մաքսատուրքից ազատման չափը գնահատվում է շուրջ 109,6 միլիոն դրամ։
Բաց մի թողեք
Արտառոց դեպք՝ Արագածոտնում, հայտնաբերվել է կեղծ օղիների և կոնյակների շշալցման և իրացման դեպք․ Լուսանկար
«ԱՄՆ-ի մրցակցությունը նպատակ ունի ենթարկել», «Մեզ անհրաժեշտ են ավելի շատ չինական ներդրումներ Եվրոպայում»․ Մակրոն
Մոտ ապագայում Իրանը և Միացյալ Նահանգները սկզբունքային համաձայնության կգան