«Հիմա մենք որոշում ենք կայացրել ձկնաբուծարանների փակ ցիկլի անցնելու վերաբերյալ: Որոշումը կայացրել ենք անցած տարի, այն 2024 թվականի հունվարի 1-ից պետք է ուժի մեջ մտնի»:
Փաշինյանը հարց ուղղեց, թե ո՞վ է ասել, որ պետք է եկամուտներ ստանան, կասկածելի արտադրանք թողարկեն շուկա, հետո էլ անընդհատ շանտաժ անեն, թե կսննկանան:
«Էդ ձեր ռիսկն է: Եկեք մի հատ հաշվենք՝ մենք տարեկան ինչքանի ջուր ենք վատնում և ինչքանի ձուկ ենք արտադրում: Ի վերջո, ՕԳԳ-ն որքա՞ն է, այդ հաշվարկը որևէ մեկն արե՞լ է, կարծում եմ՝ որևէ մեկը այդ հաշվարկը չի արել: Ոչ մեկը չի ասում՝ բա պետությունն ինչքա՞ն կորցրեց, որ այդ ջուրը մտավ ջրավազան, դարձավ ձուկ և գնաց, կորավ, տասնյակ տարիներ և միլիարդներ են պետք ջրային ռեսուրսները վերականգնելու համար»,-հավելեց վարչապետը:
Նրա խոսքով՝ ՀՀ-ում, ընդհակառակը, ձկնարդյունաբերությանը ոչ մի բան չի սպառնում. «Եթե մենք նկատի ունենք ձկնարդյունաբերություն, ոչ թե ջրերի վատնում: Չի փոխվելու այդ որոշումը՝ փակվելու են, թող փակվեն, ոչ մեկն իրենց իրավունք չի տվել հանրային պետական ռեսուրսը օգտագործել կասկածելի արտադրանք շուկա նետելու համար: Եվ թող որևէ մեկն ինձ մոտ չմտնի ասի՝ գիտեք այդ որոշումը եկեք փոխենք, չի հետաձգվելու»:
Բաց մի թողեք
ՀՀ կենտրոնական բանկը հայտարարություն է տարածել
ՊԵԿ-ը 2023-ի 9 ամսում ապահովել 1 տրլն 617.1 մլրդ դրամ հարկային եկամուտներ
Իլոն Մասկը կրկին գլխավորել է ԱՄՆ-ի 400 ամենահարուստ քաղաքացիների ցուցակը