«Համմերի» կարգազանց վարորդի գործով նախաքննությունը շարունակվում է։ Այս մասին մեզ փոխանցեցին Քննչական կոմիտեից։
Ըստ տարածված լուրերի` երիտասարդ վարորդը գտնվում է հոգեկան առողջության կենտրոնում, ՔԿ֊ից սրա վերաբերյալ մեզ փոխանցեցին, որ վարորդը կալանքի տակ է եւ գտնվում է քրեակատարողական հիմնարկում։
Նշենք, որ դեպքը տեղի է ունեցել 8 ամիս առաջ։
Փետրվարի 10-ին` ժամը 23.30-ի սահմաններում, «Համմեր» մակնիշի մեքենայի վարորդը հանդիպակաց երթևեկել է Աբովյան փողոցում, չի ենթարկվել ոստիկանության ծառայողների «Կանգ առ» ազդանշանին, մեքենան վարել է հետիոտնի համար նախատեսված մասով, վրաերթի է ենթարկել պարեկի, դիտավորյալ հարվածել և վնասել է պարեկային 3 և քաղաքացիների 8 մեքենաներ։
Այդ ամենը կանխելու և մեքենայի ընթացքը կանգնեցնելու նպատակով պարեկները կրակել են «Համմերի» անվադողերի ուղղությամբ։ Վարորդը, թողնելով մեքենան Ագաթանգեղոսի փողոցի շենքերից մեկի կամարանցման տակ, դիմել է փախուստի:
Բաց մի թողեք
ԱՄՆ պետդեպի արձագանքը՝ Հայաստանի կողմից Հռոմի ստատուտը վավերացնելու մասին
ԼՂ ճգնաժամի սրման դեպքում ԵՄ-ն կարող է վերանայել հարաբերությունները Բաքվի հետ և սահմանել առանձին պատժամիջոցներ. Reuters
Ռուսաստանը դավաճանել է էթնիկ հայերին․ Միշել