Հաշմանդամություն ունեցող երեխաներին արգելել են մուտք գործել Ջրաշխարհ, այս մասին ահազանգում է ֆեյսբուքյան օգտատեր Հասմիկ Սողոմոնյանը:
Ուր մնաց ներառականությունն ու հավասարությունը»,- գրել է Հասմիկ Սողոմոնյանը` դիմելով ՄԻՊ-ին:
Մարդու իրավունքների պաշտպան Անահիտ Մանասյանն արձագանքել է հաշմանդամություն ունեցող երեխաների մուտքը «Ջրաշխարհ» խոչընդոտելուն:
«Այսօր՝ օգոստոսի 6-ին, սոցցանցերում տեղեկություն է տարածվել, որ Վանաձորից Երևան ժամանած հաշմանդամություն ունեցող մի խումբ երեխաների մուտքը «Ջրաշխարհ» ժամանցի կենտրոն առանց հիմնավորման արգելվել է: Պաշտպանն աշխատակազմին անմիջապես հանձնարարել է զբաղվել վերոնշյալ խնդրով: Իրականացվում են անհրաժեշտ միջոցառումներ ստեղծված իրավիճակի պատճառները պարզելու համար:
Մարդու իրավունքների պաշտպանը խիստ կարևորում է հաշմանդամություն ունեցող անձանց նկատմամբ ցանկացած խտրական վերաբերմունքի բացառումն ու հասարակության բոլոր անդամների համար հավասար հնարավորությունների ապահովումը:
Սկանդալի կենտրոնում հայտնված «Ջրաշխարհ»-ը պատասխանել է իրենց ուղղված մեղադրանքներին՝ հերքելով դրանք ու խոստանալով շուտով փաստեր հրապարակել:
«Հարգելիներս, քանի որ անհիմն շահարկվում է Ջրաշխարհի անունը, ցանկանում ենք նկարագրել և լուսաբանել կատարվածը:
Այսօր ժամը 13:00 -ի սահմաններում երկու երիտասարդ և մեկ պատանի, որոնք երևում են ներկայացված նկարում, մոտեցել են Ջրաշխարհ թվով 8 հաշմանդամություն ունեցող երեխաներին ընդունելու հարցով:
Նրանց դիմավորել են պատասխանատու աշխատակիցները ևպատրաստակամություն հայտնել երեխաներին անվճար հիմունքներով հյուրընկալելու և նրանց հանգիստը կազմակերպելու համար, ինչպես նաև ծանոթացրել Ջրաշխարհում գործող ներքին կանոնակարգին: Հայտնելով իրենց գոհունակությունը, տղաները հեռացել են հաշմանդամ երեխաների հետ վերադառնալու պայմանով:
Մինչդեռ երկար սպասելուց հետո նրանք այդպես էլ չեն վերադարձել: Ջրաշխարհն իր ջերմ տանիքի տակ ընդունելու բազմամյա փորձ ունի թե՛ անապահով ընտանիքների, և թե՛ հաշմանդամություն ունեցող երեխաներին հյուրընկակելու հարցում, և այսօրվանը ևս բացառություն չէր լինելու:
Հաջորդիվ կներկայացնենք նաև հավաստի փաստեր կատարվածից»:
Նշենք, որ գրառման մեկնաբանությունների դաշտում խնդրի մասին ահազանգած օգտատերն արձագանքել է՝ նշելով, որ երեխաները միայն ուղեկցող նշված երիտասարդների և պատանու հետ չեն եղել, այլ նրանց ուղեկցել են ծնողները:
Բաց մի թողեք
Հոկտեմբերի 5-ի աստղագուշակ․ Սա ընտանեկան ոչ այնքան բարդ, սակայն կարևոր գործերի, կարգուկանոն մտցնելու օր է
Նոր տեղեկություններ Վիտալի Բալասանյանից
Ադրբեջանն արձագանքել է ՀՀ ԱԳՆ-ի՝ ԼՂ նախագահների ձերբակալությունների վերաբերյալ հայտարարությանը