Փոքր տարիքից երեխան պիտի օգտակար լինի, հակառակ դեպքում կմեծանա սպառող էակ, որից շատ կտեսնեք ՔՊ խմբակի մեջ

ԱԺ նախկին պատգամավոր Արսեն Ջուլֆալակյանը ֆեյսբուքյան իր էջում գրել է.

«Փոքրուց ձեր երեխաների մեջ դաստիարակեք «սոլիդարություն» հասկացությունը (էմպաթիա, ապրումակցում):

Փոքր տարիքից երեխան պետք է հասկանա, որ երբ, օրինակ, իր եղբոր կամ քրոջ մոտ խնդիր կա, նա պետք է սրտացավություն դրսևորի և հնարավորինս օգտակար լինի: Հետո, երբ մեծանա, նույն վերաբերմունքը կունենա իր ծնողների, հայրենակիցների և, առհասարակ, մարդկության հանդեպ:

Հակառակ դեպքում կմեծանա որպես անհաղորդ, սպառող էակ, որի գերնպատակը կլինի ցանկացած գնով սեփական փորը կուշտ լցնելը:

Եթե ուշադիր լինեք, վերջիններից շատ կտեսնեք հանրության շրջանում, հատկապես իշխանություն կոչվող ՔՊ խմբակի մեջ:

Հ․Գ. Էմպաթիա-ապրումակցում․ անձի ընդունակությունը՝ հասկանալու ուրիշի հոգեվիճակը և ապրումակցվելու նրա հետ, այսինքն՝ ուրիշների հույզերին հաղորդակից լինելն է։ Համապատասխանաբար, էմպատը այն մարդն է, ում մեջ զարգացած է կարեկցելու ունակությունը»։