Օգոստոսի 8-ին կրակոցներ են հնչել Արագածոտնի մարզում։
Նշվում է, որ այդ օրը՝ ժամը 23:00-ի սահմաններում, Աշտարակ քաղաքի «Հայաթ» բացօթյա սրճարանի հարևանությամբ Արագածոտնի մարզի բնակիչ 32-ամյա Արման Սիմոնյանը իր մոտ եղած հրազենից կրակոցներ է արձակել Արագածոտնի մարզի բնակիչ 31-ամյա Վրեժ Գալստյանին կողմից շահագործվող Hyundai մակնիշի ավտոմեքենայի ուղղությամբ։
Կրակոցների պահին ավտոմեքենայում են եղել Վ․ Գալստյանն ու Արագածոտնի մարզի բնակիչ 34-ամյա Պապիկ Հակոբյանը։
Ապա կրակոցներ արձակելուց հետո Ա․ Սիմոնյանը դիմել է փախուստի, իսկ Վ․ Գալստյանն ու Պ․ Հակոբյանը նշված ավտոմեքենայով հեռացել են դեպիք վայրից։
Դեպքի փաստով Հայաստանի Քննչական կոմիտեի Արագածոտնի մարզային քննչական վարչությունում սպանության փորձ հատկանիշներով նախաձեռնվել է քրեական վարույթ և ոստիկանության Արագածոտնի մարզային վարչության աշխատակիցները բացատրական աշխատանքներ են կատարում Վ․ Գալստյանի եղբայր, Արագածոտնի մարզի բնակիչ 29-ամյա Բաբկեն Գալստյանի հետ, ով ոստիկանության Աշտարակի բաժին է ներկայացնում նշված ավտոմեքենան, որի վրա հայտնաբերվում է կրակոցի 4 հետք։
Ավտոմեքենան տեղափոխվում է ոստիկանության Աշտարակի բաժնի պահպանվող հատուկ տարածք։
Բաց մի թողեք
Կրակել են Բաշինջաղյան փողոցում գտնվող տներից մեկի ուղղությամբ. կա ձերբակալված
Ադրբեջանի դատախազությունը հայտնել է Դավիթ Բաբայանին ձերբակալելու մասին
Դատախազությունը «Մասիս» ՋՕ ընկերության նախկին տնօրենից պահանջում է բռնագանձել 6 անշարժ գույք և շուրջ 64 մլն դրամ