Օգոստոսի 9-ին, ավտովթար է տեղի ունեցել Գեղարքունիքի մարզում: Ժամը 11:40-ի սահմաններում Երևան-Սևան-Իջևան ավտոճանապարհի 69.5 կմ հատվածում բախվել են Կոտայքի մարզի բնակիչ, 35-ամյա Գևորգ Ա.-ի վարած Mercedes մակնիշի և Սյունիքի մարզի բնակիչ, 30-ամյա Կարեն Մ․-ի վարած Opel մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ի վարորդ Կարեն Մ.-ն, նրա ուղևորներ, Արմավիրի մարզի բնակիչներ 22-ամյա Ազգանուշ Մ.-ն և 13-ամյա Հայկազ Մ.-ն մարմնական վնասվածքներով տեղափոխվել են «Սևան» բժշկական կենտրոն:
Վիրավորներին առաջինը օգնության են հասել քաղաքացիները և օպերատիվորեն ժամանած «Սևան» բժշկական կենտրոնի շտապօգնության բժիշկների հերթապահ խումբը, ովքեր վիրավորներին մինչև հիվանդանոց տեղափոխելը, տեղում առաջին բուժօգնություն են ցուցաբերել:
Վթարի փաստով Սևանի քննչական բաժնում նախաձեռնվել է վարույթ:
Գ. Շամշյանի տեղեկություններով՝ վարորդներից Գևորգ Ա.-ն աշխատում է «Զեյթուն Սվիթ» ՍՊԸ-ում, իսկ Կարեն Մ.-ն՝ «ՀԱԷԿՇԻՆ» ՓԲԸ-ում:
Բաց մի թողեք
23-ամյա վարորդը վրաերթի է ենթարկել հետիոտնի. վերջինը հիվանդանոցի ճանապարհին մահացել է
«Վայլդբերրիզ»-ը օգտվողների բանկային քարտերից տարբեր չափի գումար է գանձում, երբ օգտվողները պատվերներ չեն կատարել
Ողբերգական դեպք՝ Տավուշի մարզում. սեփական սունկի արտադրամասում հայտնաբերվել է 43-ամյա տիրոջ դին