Այսօր Երևան-Գյումրի ավտոճանապարհին տեղի ունեցած ողբերգական վթարի հետևանքով զոհվածներից մեկը՝ «Համշեն» տուրիստական ընկերության զբոսավար 21-ամյա Մուշեղ Էլոյանն էր։
«Համշեն» տուրիստական ընկերությունից չհերքեցին տղայի զոհվելու մասին լուրը։ Միևնույն ժամանակ նշեցին, որ այս պահին ոչինչ ասել չեն կարող։
Ավտովթարի ենթարկված միկրոավտոբուսի ուղևորները զբոսաշրջիկներ էին, վերադառնում էին Արևմտյան Հայաստանից։
Վերադարձող ուղևորները եղել են թե՛ Երևանից, թե՛ Գյումրիից, գյումրեցիները Գյումրիում կանգառ են ունեցել և իջել են տրանսպորտից։ Մյուսները շարունակել են ճանապարհը։
Լանջիկ գյուղի մոտակայքում, միկրոավտոբուսի ու բեռնատարի բախման հետևանքով զոհվել է 11 մարդ, վնասվածքներով հոսպիտալացվել՝ 6-ը:
Գյումրու բժշկական կենտրոն տեղափոխված 6 տուժածներից 5-ը գտնվում է վերակենդանացման բաժանմունքում, նրանցից 4-ի առողջական վիճակը ծանր է, մեկինը` ծայրահեղ ծանր: Եվս 1 տուժած Գյումրու բժշկական կենտրոնից տեղափոխվել է Երևանի ԲԿ-ներից մեկը:
Ողբերգական ավտովթարի դեպքի առթիվ ՀՀ քննչական կոմիտեի Շիրակի մարզային քննչական վարչությունում նախաձեռնվել է քրեական վարույթ։
Բաց մի թողեք
Սեպտեմբերի 22-ի աստղագուշակ․ Օրվա ընթացքում հնարավոր են մի շարք դժվարություններ
Հայտնի է Ազգային կոմիտեի կազմը
Զգուշավոր տարածեք գրառումները, որոնցով կարող են զբաղվել ադրբեջանական հատուկ ծառայությունները․ Մարտիրոսյան